Aqtaýda ótken halyqaralyq óner baıqaýynda oqys jaǵdaı boldy

Foto: lada.kz

Aqtaýda ótken AKTAU-MUSIC-FEST halyqaralyq óner baıqaýy tótenshe jaǵdaımen jalǵasty. Murat О́skinbaev atyndaǵy fılarmonııa sahnasynda uıymdastyrylǵan shara barysynda zalda aýa temperatýrasynyń joǵary bolýyna baılanysty birneshe qatysýshy esinen tanyp qaldy, dep habarlaıdy qandastar.kz BAQ.KZ-ke silteme jasap.

Kórermenderdiń aıtýynsha, fılarmonııa ǵımaratynda kondııonerler istemeıdi nemese salqyndatý júıesi júktemeni kótere almaı otyr. Qatysýshylar tańǵy saǵat 10-nan bastap salqyndatylmaǵan bólmelerde bolǵan. Tústen keıin birneshe bala esinen tanyp, jedel járdem kómegine júginýge májbúr boldy. Dárigerler alǵashqy kómek kórsetti, biraq keı ata-analar balalardyń jaǵdaıy áli de qanaǵattanarlyqsyz ekenin aıtýda.

Ata-analar men kórermender uıymdastyrýshylardyń nemquraılyǵyna narazy. Qatysýshylardyń ata-analary tıisti organdardan jaǵdaıdy shuǵyl túrde sheshýdi jáne balalar úshin qaýipsiz orta qalyptastyrýdy talap etip otyr.