AQTAÝDA SARBAZDAR JAÝYNGERLIK DRON QURASTYRDY

Aqtaýda teńiz jaıaý áskeri brıgadasynyń sarbazdary jaýyngerlik dron jasap shyǵardy. Urys mashınasy 10 keli tartady. Shaǵyn pishindegi brondy tehnıka kóshe jaǵdaıynda qoldanysqa yńǵaıly.

Eń qyzyǵy, ony ónertapqysh sarbazdar qolda bar quraldardan qurastyrǵan. Áskerı bólim basshylyǵy erekshe jobany qoldap, oǵan pýlemet ornatýǵa ruqsat bergen.  Jaýyngerlik drondy qatardaǵy jaýyngerler Júsip Barmanqulov pen Battal Osmanov qurastyrdy. О́nertapqysh jigitter on aı buryn Túrkistan óńirinen áskerge shaqyrtylǵan. Ekeýi de oqýshy kezinen robototehnıkamen áýestenedi.  Battal jastaıynan kompıýterlik dızaın ónerin meńgerse, Júsip «Tehnık-elektrık» mamandyǵy boıynsha kolledj bitirgen.  Joba avtorlary eki apta boıy syzbasyn jasap, drondy áskerı qoımada bar bólshekten qurastyrǵan.

Brondy mashına jeńil kóliktiń akkýmýlıatorynan qýat alady. Saǵatyna 15 shaqyrym jyldamdyqpen júrýge qaýqarly. 7,62 kalıbri pýlemet qondyrylǵan munarasy 360 gradýsqa burylady. Operator drondy qaýipsiz jerden basqaryp, jaýǵa bir mınýtta 500-600 oq jaýdyrady. Júsip Barmanqulov, qatardaǵy jaýynger: — Qashyqtyqtan basqarylatyn «Barys» atty mashına oılap taptyq. Bul mashınanyń artyqshylyqtary — jaýdyń tiri kúshin jáne jeńil brondy tehnıkalaryn joıýǵa arnalǵan qurylǵy. Tegis jolda da, tegis emes jolda da jyldamdyǵy birdeı. Erdos Saımov, rota komandıri: — Bul eki sarbazdy men birinshi kúnnen bastap jaqsy tanımyn. О́z isteriniń sheberi, osy áskerı qyzmetin atqarý barysynda ózderin tek qana jaqsy jaǵynan kórsete bildi. Aldaǵy ýaqytta qorǵanys mınıstrliginiń tarapynan elimizdiń joǵary oqý ornynda tegin túrde bilim alýǵa joldama beriledi.

Sarbazdar jobasyn ýnıversıtet qabyrǵasynda jetildirýdi kózdeıdi. Oǵan qýatty qozǵaltqysh pen granat atqysh ornatyp, tank nemese áýeden barlaýshy drondy joıýǵa qabiletti etpek.