اقتاۋدا ءۇش ەر ادام سۋعا باتىپ كەتتى

26-27 شىلدە كۇندەرى اقتاۋ ماڭىنداعى دەمالىس ايماعىندا ءۇش ەر ادام سۋعا باتىپ كەتتى. قازا تاپقانداردىڭ ءبارىنىڭ دەنەلەرى تابىلدى, دەپ جازدى Qandastar.kz

وبلىستىق تجد ءباسپاسوز قىزمەتىنىڭ مالىمەتىنشە, العاشقى تراگەديا 26 شىلدەدە ساعات 21:25-دە بولدى. اقتاۋدان 48 كم قاشىقتىقتا, كاسپي تەڭىزى جاعالاۋىنداعى O’Mir Glamping دەمالىس ورنى ماڭىندا ەكى ادامنىڭ سۋعا كەتكەنى تۋرالى حابار تۇسكەن.

«وقيعا ورنىنا جەتكەن قۇتقارۋشىلار تەڭىزدە ەكى ەر ادامنىڭ باتىپ كەتكەنىن انىقتادى. ولار سۋعا باتىپ بارا جاتقان ەكى قىزدى قۇتقارماق بولعان. ابىروي بولعاندا, قىزدار ءوز بەتىمەن جاعالاۋعا شىعىپ, جاعدايلارى قاناعاتتانارلىق. 1986 جىلى تۋعان ەر ادامنىڭ دەنەسى جاعالاۋدان 10 مەتر جەردەن تابىلىپ, قۇرلىققا شىعارىلدى. 2001 جىلى تۋعان ەكىنشى مارقۇمنىڭ دەنەسى ساعات 00:05-تە 1,5 مەتر تەرەڭدىكتەن, جاعالاۋدان 10–15 مەتر قاشىقتىقتان تابىلدى», — دەدى وڭىرلىك تجد.

27 شىلدەدە ساعات 01:25-دە سول اۋماقتا تاعى ءبىر قايعىلى وقيعا تىركەلدى. 2003 جىلى تۋعان ەر ادام سۋعا باتىپ كەتتى.

«دەرەۋ ىزدەستىرۋ-قۇتقارۋ جۇمىستارى باستالدى, الايدا تۇنگى ۋاقىتتا ناتيجە بەرمەدى. تاڭەرتەڭ جۇمىستار قايتا جالعاستىرىلىپ, ساعات 08:00-دە اياقتالدى. مارقۇمنىڭ دەنەسى تابىلىپ, سۋدان شىعارىلدى», — دەلىنگەن ۆەدومستۆو حابارلاماسىندا.