جاڭالىقتار
اقتاۋدا زەينەتكەر 9-قاباتتان قۇلاپ, قايتىس بولدى
فوتو: istockphoto.com
اقتاۋدا 33 شاعىن اۋداندا 66 جاستاعى زەينەتكەر 9-قاباتتان قۇلاپ, كوز جۇمدى. بۇل تۋرالى qandastar.kz سايتى Lada.kz-كە سىلتەمە جاساپ حابارلادى.
الەۋمەتتىك جەلىدە 33-ءشى ىقشاماۋدانداعى №19 ءۇيدىڭ ماڭىندا جەدەل جاردەم مەن پوليتسيا كولىكتەرى بەينەلەنگەن ۆيدەو جاريالاندى.
ماڭعىستاۋ وبلىستىق پوليتسيا دەپارتامەنتى ەر ادامنىڭ كوپقاباتتى ۇيدەن قۇلاپ كەتكەنىن ناقتىلاپ, ءولىم فاكتىسىن راستادى.
«اتالعان فاكتى بويىنشا قر قىلمىستىق كودەكسىنىڭ 105-بابى بويىنشا قىلمىستىق ءىس قوزعالدى. ساراپتاما تاعايىندالدى. تەرگەۋ جالعاسۋدا», — دەلىنگەن اقپاراتتا.
ماڭعىستاۋ وبلىستىق جەدەل جاردەم ستانتسياسى 16 ناۋرىز كۇنى ساعات 00:43-تە «بيىكتەن قۇلاۋ» تۋرالى قوڭىراۋ تۇسكەنىن حابارلادى.
«وقيعا ورنىنا بريگادا ساعات 00:48-دە جەتتى. قوڭىراۋدىڭ دياگنوزى 66 جاستاعى ەر ادامنىڭ بەلگىسىز سەبەپتەرمەن قايتىس بولۋى. اقپارات 102 قىزمەتىنە جىبەرىلدى», — دەپ حابارلادى ۆەدومستۆو.
