جاڭالىقتار
اقتاۋدا جاپپاي توبەلەس بولدى
اقتاۋ قالاسىنىڭ 31ا شاعىناۋدانىندا جاسوسپىرىمدەر اراسىندا توپتىق جانجال بولدى. جەدەل ارەكەت ەتكەن ءتارتىپ ساقشىلارى وقيعا ورنىنا دەرەۋ جەتىپ, جانجالعا قاتىسقان جاسوسپىرىمدەردى انىقتاپ, ولاردى اتا-انالارىمەن بىرگە پوليتسيا بولىمىنە جەتكىزدى, دەپ حابارلايدى Qandastar.kz
اتالعان فاكتى بويىنشا سوتقا دەيىنگى تەرگەۋ باستالدى. بارلىق قاجەتتى تەرگەۋ امالدارى جۇرگىزىلىپ جاتىر. جاسوسپىرىمدەردىڭ اتا-انالارى بالالارىن تاربيەلەۋ جونىندەگى مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى.
قايتالانسا – قاتاڭ جازا
جانجالعا قاتىسقان بارلىق ءجاسوسپىرىم پروفيلاكتيكالىق ەسەپكە قويىلدى. ۆەدومستۆو وكىلدەرى مۇنداي قۇقىقبۇزۋشىلىق قايتالانعان جاعدايدا جاسوسپىرىمدەر مەن ولاردىڭ زاڭدى وكىلدەرىنە قاتىستى قاتاڭ شارالار قولدانىلاتىنىن ەسكەرتتى.
