اقتاۋدا ءجاسوسپىرىم سۋعا باتىپ كەتتى

اقتاۋ قالاسىندا ەكى ءجاسوسپىرىم سۋعا ءتۇسىپ, بىرەۋى باتىپ كەتكەن, دەپ حابارلايدى qandastar.kz اقپارات پورتالى.

2011 جىلى تۋعان ەكى ءجاسوسپىرىمنىڭ سۋعا باتىپ بارا جاتقانىن كورگەن كۋاگەرلەر ولاردى سۋدان شىعارىپ العان. ناتيجەسىندە جاسوسپىرىمدەردىڭ ءبىرى وقيعا ورنىندا قازا تاپتى.

قۇتقارۋشىلاردىڭ مالىمەتىنشە, وقۋشىلار شومىلۋعا ارنالماعان ورىندا سۋعا تۇسكەن.

«ولاردى كۋاگەرلەر سۋدان الىپ شىقتى. وكىنىشكە قاراي, بىرەۋى قازا تاپتى. ەكىنشىسى اۋىر جاعدايدا اۋرۋحاناعا جەتكىزىلدى», – دەپ حابارلادى ۆەدومستۆو.

شاقىرتۋ ورنىنا توتەنشە جاعدايلار دەپارتامەنتىنىڭ 12 مامانى, بەس تەحنيكا جانە ءبىر ءجۇزۋ قۇرالى جۇمىلدىرىلدى. سونىمەن قاتار, ەكى جەدەل جاردەم بريگاداسى, 12 پوليتسيا قىزمەتكەرى جانە التى پاترۋلدىك كولىك جۇمىس ىستەدى.