اقتاۋدا جولاۋشىلار ۇشاعى قۇلادى

ۆيدەو: الەۋمەتتىك جەلىدەن

اقتاۋدا ۇشاق قۇلادى. جەلىدە جاريا بولعان ۆيدەوعا سۇيەنسەك, ۇشاق اقتاۋ اۋەجايىنا جاقىن جەردە قۇلاعان بولۋى مۇمكىن, دەپ جازادى qandastar.kz

قازاقستان كولىك مينيسترلىگىنىڭ اقپاراتىنا سۇيەنسەك, ۇشاق Azerbaijan Airlines اۆيا كومپانياسىنىڭ باكۋدەن گروزنىيعا ۇشىپ بارا جاتقان رەيسى.

توتەنشە جاعدايلار مينيسترلىگى تاراتقان اقپاراتقا سايكەس, اقتاۋداعى ۇشاق اپاتى بولعان جەرگە 52 قۇتقارۋشى مەن 11 توتەنشە جاعدايلار تەحنيكاسى جەتكىزىلگەن. قۇتقارۋشىلار كەلگەندە اۋە كەمەسى جانىپ جاتقان. ولار وتتى ءسوندىرۋدى باستاعان.

«قازىرگى ۋاقىتتا زارداپ شەككەندەر تۋرالى اقپارات ناقتىلانۋدا, ءتىرى قالعاندار بار ەكەندىگى الدىن-الا حابارلاندى», – دەلىنگەن مينيسترلىك اقپاراتىندا.

مينيسترلىك جانىنان جەدەل شتاب قۇرىلعان. سەنىم تەلەفونى جاريا بولدى: 8/7292/319099