Aqtaýdaǵy áýe apaty: Ushqyshtar men dıspetcherlerdiń sońǵy dıalogi tarady

Ázirbaıjandyq basylym Aqtaýda apatqa ushyraǵan AZAL ushaǵynyń ushqyshtary men dıspetcherler arasyndaǵy áńgimeniń tolyq nusqasyn jarııalady. Aýdıoda Groznyıǵa qonbaý, Mahachkalaǵa ushpaý, odan keıin Bakýge qaıtyp oralý, sonyń nátıjesinde Aqtaýǵa ushý týraly barlyq sheshimderdi Ázirbaıjan áýe joldarynyń ekıpajy derbes qabyldaǵany estiledi, dep qandastar.kz aqparat portaly Baza basylymyna silteme jasap habarlaıdy.

Dıspetcherler áýeli Groznyıǵa, sosyn Mahachkalaǵa qonýdy usynyp, ekıpajǵa Reseıdiń basqa áýejaılary týraly aqparat berdi, biraq ekıpaj bul jerge qonbaýdy uıǵardy. Onyń ústine jazbalardan qustarmen soqtyǵysý, borttaǵy jarylǵan gaz ballony týraly nusqany ushaq ekıpajy dıspetcherlermen sóılesip jatqan kezinde aıtqany belgili boldy.

Sondaı-aq jazbalar ushqysh bortynda tótenshe jaǵdaı jarııalamasa da, ushaqqa syrtqy áser bolǵanyn kórsetedi.