ءبىلىم
اقتاۋداعى مەكتەپتە وقۋشىلار قاتارلاسىن سوققىعا جىقتى
فوتو: اشىق دەرەككوز
كادرلاردان باستاۋىش سىنىپ وقۋشىلارىنىڭ ءبىرى وقۋشىنى ۇرىپ-سوققانى كورىنەدى.
مالىمەت بويىنشا, وقيعا 19ا شاعىناۋدانىنداعى №24 ورتا مەكتەپتىڭ كيىم اۋىستىرۋ بولمەسىندە بولعان. كادرلاردان باستاۋىش سىنىپ وقۋشىلارىنىڭ ءبىرى وقۋشىنى ۇرىپ-سوققانى كورىنەدى.
ءوڭىردىڭ پوليتسيا دەپارتامەنتى №24 مەكتەپتە بولعان وقيعانى راستادى. پوليتسەيلەر بالالاردى تاربيەلەۋ جونىندەگى مىندەتتەرىن ورىنداماعانى ءۇشىن اتا-انالاردى جاۋاپكەرشىلىككە تارتاتىنىن حابارلادى.
«جاسوسپىرىمدەر پروفيلاكتيكالىق ەسەپكە الىندى. قر اقبتك 435-بابى (كامەلەتكە تولماعاندار جاساعان بۇزاقىلىق) بويىنشا حاتتاما تولتىرىلدى. بۇل باپ بويىنشا اتا-انالارعا 7 اەك (25 844 تەڭگە) مولشەرىندە ايىپپۇل سالىنادى», – دەلىنگەن ماتەريالدا.
وقيعا بويىنشا ءتيىستى ۇسىنىس اكىمدىك جانىنداعى كامەلەتكە تولماعانداردىڭ ىستەرى جونىندەگى كوميسسياعا ەنگىزىلگەن. يۋۆەنالدى پوليتسيا قىزمەتكەرلەرى وسىنداي جاعدايلاردىڭ الدىن الۋ ماقساتىندا پروفيلاكتيكالىق جۇمىستاردى جالعاستىرۋدا.
اقتاۋ قالالىق ءبىلىم ءبولىمىنىڭ مالىمەتىنشە, وقيعا 15 قاراشادا بولعان.
باسىلىمنىڭ اقپاراتى بويىنشا, بۇل جاعدايعا بايلانىستى مەكتەپ ديرەكتورى مەن ونىڭ تاربيە ءىسى جونىندەگى ورىنباسارى پوليتسيا دەپارتامەنتىنە شاقىرىلدى. بارلىق قاتىسۋشىلار انىقتالدى, اتا-انالارمەن پروفيلاكتيكالىق اڭگىمە جۇرگىزىلۋدە. ماسەلە باقىلاۋدا, دەپ اتاپ ءوتتى ۆەدومستۆو وكىلدەرى.
