Aqtaýdaǵy ushaq apatyna qatysty jańa derek jarııalandy

Foto:gov.kz

Máskeýdiń Basmannyı soty Qazaqstandaǵy áýe apatyn tergeý úshin qujattardy tárkileýge ruqsat berdi, dep habarlaıdy qandastar.kz

Máskeýdiń Basmannyı soty Qazaqstandaǵy áýe apatyn tergeý barysynda kómektesýi múmkin qujattardy tárkileýge ruqsat berdi.

Tergeý organdary Reseıdiń ońtústiginde saqtalǵan materıaldarǵa qol jetkizýdi kózdep otyr.

Tergeýshiler bul ótinishti qańtar aıynda bergen, al prokýror olardyń talabyn qoldaǵan.

“Sot barlyq dálelderdi qarastyryp, ruqsat berdi. Alaıda qandaı qujattar týraly sóz bolyp otyrǵany ázirge qupııa”, – dep jazady reseılik basylym.

Eske sala keteıik, 25 jeltoqsanda Aqtaý mańynda Azerbaijan Airlines-ke tıesili Embraer 190ushaǵy apatqa ushyrady. Ol Bakýden Groznyıǵa baǵyt alǵan. Bortta 67 adam, onyń ishinde ekıpaj músheleri bolǵan. Qaıǵyly oqıǵadan 29 jolaýshy tiri qalǵanymen, barlyq qazaqstandyqtar qaza tapty.