جاڭالىقتار
اقتاۋداعى ۇشاق اپاتىنان امان قالعان ستيۋاردەسسانىڭ ۆيدەوسى تارادى
فوتو: ۆيدەودان سكرين
ءتىرى قالعان بورتسەرىكتىڭ ءبىرى ايدان راگيملي 1999 جىل دۇنيەگە كەلگەن, دەپ حابارلايدى qandastar.kz
بۇعان دەيىن ۇشاق اپاتىندا 5 ەكيپاج مۇشەسى بولعانى حابارلانعان ەدى. ولاردىڭ ۇشەۋى قازا تاۋىپ, ەكەۋى امان قالعانى دا اقپارات قۇرالدارىندا جازىلدى. كورەر جارىعى بار بورتسەرىكتىڭ ءبىرى ايدان راگيملي قازىر اۋرۋحانادا جاتىر.
ازەربايجاندىق باق اۋرۋحاناداعى بورتسەرىكتىڭ جاعدايىن بىلۋگە بارعاندا, ونىڭ كوز جاسىنا ەرىك بەرىپ, قاتتى جىلاعانىنا تاپ بولعان.
اقتاۋداعى ۇشاق اپاتىنان امان قالعان ستيۋاردەسسا ايدان راگيمليدىڭ فوتو جانە ۆيدەوسىن ازەربايجاننىڭ توتەنشە جاعدايلار مينيسترلىگى جاريالاعانى بەلگىلى بولدى.
ايتا كەتەيىك, 25 جەلتوقساندا باكۋدەن (ازەربايجان) گروزنىيعا (رەسەي) ۇشقان Azerbaijan Airlines ۇشاعى اقتاۋ قالاسىنان 3 شاقىرىم جەردە اپاتقا ۇشىراعان بولاتىن.
