Aqtaýdaǵy ushaq apatynan aman qalǵan stıýardessanyń vıdeosy tarady

Foto: vıdeodan skrın

Tiri qalǵan bortseriktiń biri Aıdan Ragımlı 1999 jyl dúnıege kelgen, dep habarlaıdy qandastar.kz

Buǵan deıin ushaq apatynda 5 ekıpaj múshesi bolǵany habarlanǵan edi. Olardyń úsheýi qaza taýyp, ekeýi aman qalǵany da aqparat quraldarynda jazyldy. Kórer jaryǵy bar bortseriktiń biri Aıdan Ragımlı qazir aýrýhanada jatyr.

Ázerbaıjandyq BAQ aýrýhanadaǵy bortseriktiń jaǵdaıyn bilýge barǵanda, onyń kóz jasyna erik berip, qatty jylaǵanyna tap bolǵan.
Aqtaýdaǵy ushaq apatynan aman qalǵan stıýardessa Aıdan Ragımlıdiń foto jáne vıdeosyn Ázerbaıjannyń Tótenshe jaǵdaılar mınıstrligi jarııalaǵany belgili boldy.

Aıta keteıik, 25 jeltoqsanda Bakýden (Ázerbaıjan) Groznyıǵa (Reseı) ushqan Azerbaijan Airlines ushaǵy Aqtaý qalasynan 3 shaqyrym jerde apatqa ushyraǵan bolatyn.