Aqtaýdaǵy ushaq apatynan zardap shekkenderge qansha ótemaqy beriledi?

Foto: Azamat Sársenbaev

Aqtaýdaǵy ushaq apatynan zardap shekken   ár otbasyna shamamen 5 mıllıon teńge tólenýi tıis bolǵan. Bul týraly búgin Úkimettte ótken brıfıngte Premer-mınıstrdiń orynbasary Qanat Bozymbaev málimdedi, dep habarlaıdy qandastar.kz

«Ár otbasyna tıisti mólsherde qarjy tólendi. Jerleý rásimi men basqa da máselelerdi áriptesterimiz óz moınyna aldy. Oqıǵa ornyna barý jáne olardyń tasymaldanýy qamtamasyz etildi. Qazirgi tańda demeýshilik kómektiń arqasynda qaza tapqandardyń otbasylaryna tıisti qoldaý kórsetilip jatyr. Ár otbasyna shamamen 5 mıllıon teńge tólenýi tıis edi. Sonymen qatar, jerleý rásimine, denelerdi tasymaldaýǵa, saparǵa ketetin shyǵyndar da qamtyldy», – dedi Bozymbaev.

Eske salsaq, 25 jeltoqsanda  Aqtaý mańynda Bakýden Groznyıǵa ushyp bara jatqan «Azerbaijan Airlines» áýe kompanııasyna tıesili jolaýshylar ushaǵy qulaǵan edi. Bortta 67 adam bolǵan. 38 adam qaza taýyp, 29 adam aman qaldy.