اقتاۋداعى ۇشاق اپاتىندا قازا بولعان قازاقستاندىقتاردىڭ ەسىمى اتالدى

فوتو: اشىق دەرەككوز

اقتاۋداعى ۇشاق اپاتىنان مەرت بولعان قازاقستاندىقتار تۋرالى اقپارات بەلگىلى بولدى. ىشىندە انا مەن بالا دا بار. بۇل تۋرالى qandastar.kz حابارلادى.

Stan.kz اقپارات اگەنتتىگى جازعانداي, قۇتقارۋ قىزمەتى ۇشاق اپاتى كەزىندە قازا بولعان قازاقستان ازاماتتارى تۋرالى اقپارات بەردى. كوبى ماڭعىستاۋ وبلىسىنان ەكەن.

• 36 جاستاعى ساندىبەك تولەسىنوۆ – ماڭعىستاۋ وبلىسى, جاڭاوزەن قالاسىنىڭ تۇرعىنى;
• 39 جاستاعى باۋىرجان جۇماعۇلوۆ – ماڭعىستاۋ وبلىسى, جاڭاوزەن قالاسىنىڭ تۇرعىنى;
• 46 جاستاعى گالينا ماحسۋدوۆا – اقتاۋ قالاسىنىڭ تۇرعىنى;
• 49 جاستاعى گاۋحار شايمەردەنوۆا – استانا قالاسىنىڭ تۇرعىنى, بىراق الماتىدا دۇنيەگە كەلگەن.
• 11 جاسار ەلدار جۇماعات – استانا تۇرعىنى. گاۋحار شايمەردەنوۆانىڭ ۇلى.
• 29 جاستاعى ساليما دجۋتاەۆا امانجولقىزى – قاراعاندى قالاسىنىڭ تۇرعىنى.

جەلىدە قازا بولعاندار تۋرالى اقپارات تارادى. ماسەلەن گاۋحار شايمەردەنوۆا استانادا نوتاريۋس بولعان ەكەن. تەلەجۇرگىزۋشى ساندي سۇلتان گاۋھار شايمەردەنوۆانىڭ ۇشاقتا بولعانىن حابارلادى. جۋرناليست ولاردىڭ دوس ەكەنىن جانە ول 10 جاسار ۇلى ەلدارمەن بىرگە باكۋدەن ۇشقانىن ايتتى.

ال ساليما دجۋتاەۆا قاراعاندىدا ستوماتولوگ بولىپ جۇمىس ىستەگەنى بەلگىلى بولدى.

ەسكە سالساق, اقتاۋ ماڭىندا باكۋدەن گروزنىيعا ۇشىپ بارا جاتقان «Azerbaijan Airlines» اۋە كومپانياسىنا تيەسىلى جولاۋشىلار ۇشاعى قۇلاعانى تۋرالى جازعان ەدىك. جەلىدە ۇشاقتىڭ ىشىندە اپاتقا دەيىن جانە كەيىن تۇسىرىلگەن ۆيدەولار پايدا بولدى.

ايتا كەتەيىك, اقتاۋ ماڭىنداعى ۇشاق اپاتىنان 38 ادام قازا تاپقانى بەلگىلى بولدى. ۇشاقتاعى قازاقستاندىقتاردىڭ بارلىعى كوز جۇمدى.