اقتاۋداعى جاتتىقتىرۋشى قىزدىڭ ءولىمى: وقيعا ورنىندا تۇسىرىلگەن فوتو جاريالاندى

مارقۇم بولعان اقتاۋلىق سپورتشى الينا سەرىكوۆانىڭ باۋىرى باۋىرجان جولجان قىلمىس ورنىندا تۇسىرىلگەن سۋرەتتەردى جاريالادى, دەپ حابارلايدى qandastar.kz اقپارات پورتالى Stan.kz-كە سىلتەمە جاساپ.

مارقۇمنىڭ الينانىڭ باۋىرى ۇسىنعان سۋرەتتەردە جانارماي قۇيۋ بەكەتىندەگى بولمە بار. اقپارات بويىنشا بۇل بولمەدە بەس ادام قىزدى ءتورت ساعاتتان استام ۋاقىت قورلاعان. الينا بۇل بولمەنىڭ قانداي ەكەنىن قۇربىسى اسەلگە ايتىپ بەرگەن ەكەن.

«الينا ەكەۋمىز اس ۇيدە سويلەسىپ وتىرعانىمىزدا, ول ءوزىن قاماپ قويعان بولمە تۋرالى ايتىپ بەردى. الينا ىشكە كىرگەندە اشىق ءتۇستى كىلەم, تەمىر ەكى قاباتتى كەرەۋەت, تەرەزەگە جاپسىرىلعان اشىق ءتۇستى جاليۋزي كورگەنىن ايتتى. ىشىندە مۇنايشىلاردىڭ كيىمىنە ۇقساس قىزىل «ارنايى فورما» بولعان. اس ۇيدەگى اڭگىمە بارىسىندا الينا ماعان «ەرتەڭ ايتا الماسام, سەنەن سۇرايدى, سەن ءتۇسىندىرىپ بەرەسىڭ عوي ءيا” دەدى”, – دەيدى الينانىڭ قۇربىسى اسەل شوتقارا.

مارقۇمنىڭ باۋىرىنىڭ سوزىنشە بارلىعى جازىلعان ديسك بولعان كورىنەدى.

سۋرەتتە الينانى ءتورت ساعاتتان استام ۇستاعان بولمە كورسەتىلگەن. قىلمىس ورنىنان تۇسكەن فوتوسۋرەتتى باۋىرجان جولجانوۆ ۇسىندى

«ۇستالعانداردىڭ ءبىرى ءوزىن بولمەگە قاماپ, بارلىعىن ادەيى قيراتىپ كەتكەن. ەگەر ديسك ءبۇتىن بولسا, وندا بىزدە دالەل بولار ەدى. سول ارقىلى وقيعا كەزىندە نە بولىپ جاتقانىن, نە ايتىلعانىن جانە نە ىستەلگەنىن ناقتى بىلەتىن ەدىك. بىراق, وكىنىشكە وراي, ديسكىدەگى دەرەكتەردى قالپىنا كەلتىرۋ مۇمكىن بولمادى», – دەدى باۋىرجان جولجان.

ايتا كەتەيىك مارقۇمنىڭ وتباسى سوتتىڭ شەشىمىمەن كەلىسپەي, اپەللياتسيالىق سوتقا شاعىم تۇسىرگەن.

«العاشقى سوت وتىرىسى 21 قاڭتارعا بەلگىلەنگەن بولاتىن. الايدا سوتتالۋشىلاردىڭ ءبىرىنىڭ ادۆوكاتى كەلمەگەندىكتەن, وتىرىس وتپەي قالدى. ادۆوكاتتىڭ تەلەفونى ءوشىرۋلى بولدى, سول سەبەپتى ونىمەن بايلانىسقا شىعۋ مۇمكىن بولمادى. سوتتالۋشىنىڭ اناسى دا كەلمەدى. ونىڭ دا تەلەفونى ءوشىرۋلى بولدى. وسىعان بايلانىستى سوت 27 قاڭتارعا اۋىستىرىلدى», – دەپ مالىمدەدى مارقۇم الينانىڭ اعاسى.

سونىمەن قاتار, ول اپەللياتسيالىق سوتتاعى اتموسفەرانىڭ ءبىرىنشى ساتىداعى سوتپەن سالىستىرعاندا مۇلدە باسقاشا ەكەنىن اتاپ ءوتتى.

ء«بىرىنشى سوت وتىرىسىندا ايىپتالۋشىلار ك ۇلىپ, ءبىر-بىرىمەن جانە ادۆوكاتتارىمەن ەركىن سويلەسىپ, قالاعاندارىن ىستەدى. قازىر ءبارى باسقاشا, اتموسفەرا قاتاڭ. مۇنداي وزگەرىسكە قوعامدىق نارازىلىقتىڭ اسەرى بولدى دەپ ويلايمىن», – دەدى باۋىرجان جولجان.

مارقۇمنىڭ وتباسى اپەللياتسيالىق سوتتىڭ ايىپتالۋشىلارعا ء«وزىن-ءوزى ولتىرۋگە يتەرمەلەۋ» بابى بويىنشا ايىپ تاعىلۋىنا نەگىز بار دەپ تاپقان. ايتا كەتەيىك, ءبىرىنشى ساتىداعى سوت بۇل باپ بويىنشا ايعاقتاردى جەتكىلىكسىز دەپ تاپقان بولاتىن.

«ساراپشىنىڭ قورىتىندىسىنا سايكەس, الينانىڭ باسىنان وتكەن قايعىلى وقيعا ونىڭ ءوز-وزىنە قول جۇمساۋىنا تىكەلەي بايلانىستى بولعان. باياندامادا ونىڭ وقيعاعا دەيىنگى جانە كەيىنگى مىنەز-قۇلقى مەن پسيحولوگيالىق جاعدايى ەگجەي-تەگجەيلى سيپاتتالعان. بىراق, سوت وتىرىسىندا سۋديا بۇل دالەلدەردى جەتكىلىكسىز دەپ تاپتى. وسى جولى سۋديا جەتكىلىكتى دالەل تابادى دەپ سەنەمىن», – دەپ ءسوزىن تۇيىندەدى الينانىڭ باۋىرى.