Aqtaýdaǵy jattyqtyrýshy qyzdyń ólimi: Oqıǵa ornynda túsirilgen foto jarııalandy

Marqum bolǵan aqtaýlyq sportshy Alına Serikovanyń baýyry Baýyrjan Joljan qylmys ornynda túsirilgen sýretterdi jarııalady, dep habarlaıdy qandastar.kz aqparat portaly Stan.kz-ke silteme jasap.

Marqumnyń Alınanyń baýyry usynǵan sýretterde janarmaı quıý beketindegi bólme bar. Aqparat boıynsha bul bólmede bes adam qyzdy tórt saǵattan astam ýaqyt qorlaǵan. Alına bul bólmeniń qandaı ekenin qurbysy Áselge aıtyp bergen eken.

«Alına ekeýmiz as úıde sóılesip otyrǵanymyzda, ol ózin qamap qoıǵan bólme týraly aıtyp berdi. Alına ishke kirgende ashyq tústi kilem, temir eki qabatty kereýet, terezege japsyrylǵan ashyq tústi jalıýzı kórgenin aıtty. Ishinde munaıshylardyń kıimine uqsas qyzyl «arnaıy forma» bolǵan. As úıdegi áńgime barysynda Alına maǵan «Erteń aıta almasam, senen suraıdy, sen túsindirip beresiń ǵoı ıá” dedi”, – deıdi Alınanyń qurbysy Ásel Shotqara.

Marqumnyń baýyrynyń sózinshe barlyǵy jazylǵan dısk bolǵan kórinedi.

Sýrette Alınany tórt saǵattan astam ustaǵan bólme kórsetilgen. Qylmys ornynan túsken fotosýretti Baýyrjan Joljanov usyndy

«Ustalǵandardyń biri ózin bólmege qamap, barlyǵyn ádeıi qıratyp ketken. Eger dısk bútin bolsa, onda bizde dálel bolar edi. Sol arqyly oqıǵa kezinde ne bolyp jatqanyn, ne aıtylǵanyn jáne ne istelgenin naqty biletin edik. Biraq, ókinishke oraı, dıskidegi derekterdi qalpyna keltirý múmkin bolmady», – dedi Baýyrjan Joljan.

Aıta keteıik marqumnyń otbasy sottyń sheshimimen kelispeı, apellıaııalyq sotqa shaǵym túsirgen.

«Alǵashqy sot otyrysy 21 qańtarǵa belgilengen bolatyn. Alaıda sottalýshylardyń biriniń advokaty kelmegendikten, otyrys ótpeı qaldy. Advokattyń telefony óshirýli boldy, sol sebepti onymen baılanysqa shyǵý múmkin bolmady. Sottalýshynyń anasy da kelmedi. Onyń da telefony óshirýli boldy. Osyǵan baılanysty sot 27 qańtarǵa aýystyryldy», – dep málimdedi marqum Alınanyń aǵasy.

Sonymen qatar, ol apellıaııalyq sottaǵy atmosferanyń birinshi satydaǵy sotpen salystyrǵanda múlde basqasha ekenin atap ótti.

«Birinshi sot otyrysynda aıyptalýshylar kúlip, bir-birimen jáne advokattarymen erkin sóılesip, qalaǵandaryn istedi. Qazir bári basqasha, atmosfera qatań. Mundaı ózgeriske qoǵamdyq narazylyqtyń áseri boldy dep oılaımyn», – dedi Baýyrjan Joljan.

Marqumnyń otbasy apellıaııalyq sottyń aıyptalýshylarǵa «О́zin-ózi óltirýge ıtermeleý» baby boıynsha aıyp taǵylýyna negiz bar dep tapqan. Aıta keteıik, birinshi satydaǵy sot bul bap boıynsha aıǵaqtardy jetkiliksiz dep tapqan bolatyn.

«Sarapshynyń qorytyndysyna sáıkes, Alınanyń basynan ótken qaıǵyly oqıǵa onyń óz-ózine qol jumsaýyna tikeleı baılanysty bolǵan. Baıandamada onyń oqıǵaǵa deıingi jáne keıingi minez-qulqy men psıhologııalyq jaǵdaıy egjeı-tegjeıli sıpattalǵan. Biraq, sot otyrysynda sýdıa bul dálelderdi jetkiliksiz dep tapty. Osy joly sýdıa jetkilikti dálel tabady dep senemin», – dep sózin túıindedi Alınanyń baýyry.