Aqtaýdaǵy jattyqtyrýshy qyzdyń ólimine sebepkerler sottaldy

Foto: Marqumnyń baýyrynyń muraǵatynan

Aqtaýda qyzdy kólikke kúshtep otyrǵyzyp, zorlap, esirtki qoldanýǵa májbúrlegen bir top er adamǵa qatysty sot úkimdi ózgertti. Basty kúdikti ómir boıyna bas bostandyǵynan aıyryldy, dep habarlaıdy qandastar.kz

Buǵan deıin, 29 jastaǵy fıtnes-jattyqtyrýshy Alına Serikova qorqytýdan keıin óz-ózine qol jumsaǵan edi.  Bir top jigit sportshy qyzdy kóshede urlap áketip, uzaq ýaqyt qınaǵan. Birinshi satydaǵy sottyń sheshimimen bes aıyptalýshy uzaq merzimge bas bostandyǵynan aıyrylǵan.  Biraq Serikovanyń otbasy úkimdi ádil dep sanamaǵan.

Osylaısha 30 qańtarda Alınanyń zorlaý isi boıynsha sotqa apellıaııalyq shaǵym túsirý úshin ondaǵan adam jınaldy. Onyń inisi basty aıyptalýshyny ómir boıyna bas bostandyǵynan aıyrýdy talap etti.

Sheshim 31 qańtarda jarııalandy. Nurgeldi Seıitqalıev ómir boıyna bas bostandyǵynan aıyryldy. Qalǵan aıyptalýshylar Erkebulan Amanqos – 16 jyl, Aralbaı Mereı – 13 jyl, Darhan Qulbas – 13 jyl, Qýanysh Úsenǵalı – 13 jylǵa sottaldy. Sondaı-aq jábirlenýshiniń otbasyna 30 mıllıon teńge ótemaqy tólenedi.