جاڭالىقتار
اقتاۋلىق ايەل “ۇشاقتا بومبا بار” دەپ حابارلاعان
فوتو:istockphoto.com
اقتاۋ – شىمكەنت باعىتىنداعى Scat اۋە كومپانياسىنىڭ رەيسىندە توتەنشە جاعداي بولدى, دەپ جازدى qandastar.kz
Lada.kz. مالىمەتىنشە, اۋە كەمەسىندە شامامەن 200 جولاۋشى وتىرعان.
رەداكتسياعا بەلگىلى بولعانداي, 1998 جىلى تۋعان ايەل سابيىمەن بىرگە ۇشاققا مىنگەننەن كەيىن بورتتا جارىلعىش زات بار ەكەنىن مالىمدەگەن. وسىدان سوڭ بارلىق جولاۋشى مەن ەكيپاج شۇعىل ەۆاكۋاتسيالانىپ, ۇشاق بەس ساعاتتان استام ۋاقىت ارنايى قىزمەتتەردىڭ تەكسەرۋىندە بولدى. ناتيجەسىندە ەشقانداي جارىلعىش زات تابىلعان جوق.
كۋاگەرلەردىڭ ايتۋىنشا, ايەلدىڭ مۇنداي ارەكەتىنە ەموتسيونالدىق كۇيزەلىس سەبەپ بولۋى مۇمكىن. ول رەيستەن ءتۇسىرىلدى.
كولىكتەگى پوليتسيا دەپارتامەنتى فاكتىنى راستادى. ماڭعىستاۋ ستانساسىنداعى جەلىلىك پوليتسيا ءبولىمى قر قىلمىستىق كودەكسىنىڭ «تەرروريزم اكتىسى تۋرالى جالعان حابارلاما» بابىمەن قىلمىستىق ءىس قوزعادى.
