Áleýmet jáne qoǵamJańalyqtar
Aqtaýlyq bloger Antıkordyń shamyna tıgeni úshin qamaldy
Foto: ınstagram
Aqtaýlyq bloger Azamat Sársenbaev 20 kúnge qamaldy. Oǵan «kórineý jalǵan aqparat taratty» degen aıyp taǵyldy, dep habarlaıdy qandastar.kz
Orda.kz jazǵandaı, aqtaýlyq blogerge sybaılas jemqorlyqqa qarsy jalǵan aqparat taratqany úshin aıyp taǵyldy. Bul týraly blogerdiń ózi áleýmettik jelidegi paraqshasynda aıtty.
Buǵan deıin Azamat Sársenbaev Antıkordyń ony sotqa bergenin málimdegen edi. Ol óz jazbasynda sybaılas jemqorlyqqa qarsy is-qımyl agenttigi qyzmetkerleriniń birin synǵa alǵan. Onyń ústinen 73-3-bap, 2-bóligi, ıaǵnı «kórineý jalǵan aqparat taratý» boıynsha ákimshilik is qozǵalǵan.
Búgin, 28 mamyr kúni sot otyrysy ótip, bloger 20 táýlikke qamaldy. Al blogerdiń áleýmettik jelige jarııalaǵan jazbasy óshirildi.
«Men áli kúnge deıin túsine alar emespin. Meniń 4 balam bar. Kásibim bar. Jumystarymnyń bári josparlanyp qoıǵan edi. Bári qaldy», — dedi bloger.
Bloger sot sheshimimen kelispeıdi. Ol sotqa apellııaııalyq shaǵym túsirmekshi. Azamat Sársenbaev bassyzdyq bolǵanyn, quqyǵy taptalyp jatqanyn aıtty.
Aıta keteıik, 2024 jyly jeltoqsanda Aqtaý mańyndaǵy ushaq apatynyń ornyn sýretke túsirgeni úshin osy blogerdi polıııa ustap áketken edi.
