اقتاۋلىق «فارابي» جايدارمان قۇراماسى ۇزدىك ۇشتىكتە

كورەرمەنگە كۇلكى سىيلاپ جۇرگەن كوڭىلدى جايدارمانشىلار استانا تورىندە توعىستى. اسەرلى ءازىل, جايدارلى جاستار جينالعان «Junior» جايدارمان ويىنىنا «جول ءجۇرۋ گرانتىن» جەڭىپ العان ماڭعىستاۋلىق «فارابي» قۇراماسى دا قاتىستى.

رەسپۋبليكالىق «Junior» جايدارمان ويىندارى «جاستار» سارايىندا 12-16 جاس ارالىعىنداعى جاسوسپىرىمدەردىڭ اراسىندا ءوتتى. ەلدىڭ تۇكپىر-تۇكپىرىنەن كەلگەن 12 كوماندا ونەر كورسەتتى. سونىڭ ىشىندە اقتاۋلىق جاسوسپىرىمدەردەن قۇرالعان «فارابي» قۇراماسى جۇلدەلى 3-ورىنعا يە بولدى.

قوعامداعى وقيعالار مەن تۇيتكىلدى ماسەلەلەردى استارلى ءازىل-قالجىڭمەن جەتكىزگەن جاستار كوپكە كۇلكى سىيلاپ, جوعارى دارەجەدەگى دايىندىقتارىن كورسەتە ءبىلدى.

بۇعان دەيىن «فارابي» قۇراماسى اقتوبە قالاسىندا وتكەن باتىس ليگا ويىندارىنىڭ چەمپيونى اتانعان بولاتىن.

ايتا كەتەيىك, «جەتى جۇرت» قوعامدىق بىرلەستىگى وڭىردەگى تالانتتى, دارىندى جاستارعا قولداۋ كورسەتۋ ماقساتىندا «جول ءجۇرۋ گرانتى» جوباسىن ىسكە اسىرىپ جاتىر. جوبا ماڭعىستاۋ وبلىسى جاستار ساياساتى ماسەلەلەرى جونىندەگى باسقارماسىنىڭ تاپسىرىسى نەگىزىندە «ازاماتتىق باستامالاردى قولداۋ» ورتالىعى قولداۋ كورسەتۋدە.