Aqtaýlyq muǵalim ózi turatyn turǵyn úıdiń kireberisin ulttyq naqyshta bezendirgen

Foto: gov.kz

Aqtaýlyq Meıramgúl Tuńǵatarova ózi turatyn 28-shaǵyn aýdan №16 turǵyn úıdiń kireberisin ulttyq naqyshta bezendirgen, dep habarlaıdy  qandastar.kz turkystan.kz-ke silteme jasap.

Meıramgúl Tuńǵatarova №20 Muhtar Áýezov atyndaǵy jalpy bilim beretin mektepte kórkem eńbek pániniń muǵalimi bolyp qyzmet atqarady. Turǵyn úı kireberisinde ulttyq naqyshtaǵy beınelerdi salmas buryn ol eskızin syzǵan. Sol eskız boıynsha kıiz úıdiń keregesi, dombyra, syrmaq, torsyq, qoshqar múıiz oıýy, quraq kórpeler, sandyq, kóne jádigerlerdi salǵan. Meıramgúl Tuńǵatarovanyń aıtýynsha, bul jumystardy úıge kirgen saıyn balalar ulttyq qundylyǵymyzdyń qadir-qasıetin bilip óssin degen nıetpen jasaǵan.

«Boıaý, syzý jumystaryna on shaqty kún ýaqyt ketti. Turǵyn úı kireberisine ulttyq beınelerdi emal boıaýmen boıadym. Kireberisti tazalaǵan ýaqytta boıaýlar ketpeıdi. Bul jumystardy úıge kirgen saıyn balalarymyz ulttyq beınelerdi kórip qana qoımaı, qundylyǵymyzdyń qadir-qasıetin bilip óssin degen nıetpen jasadym», – dedi Meıramgúl Tuńǵatarova.