اقتاۋلىقتار ۇشاق اپاتىنان زارداپ شەككەندەرگە كومەكتەسۋ ءۇشىن قان تاپسىرىپ جاتىر

فوتو: اشىق دەرەككوز

اقتاۋ ماڭىنداعى قايعىلى ۇشاق اپاتىنان كەيىن زارداپ شەككەندەرگە قان تاپسىرۋعا كوپتەگەن ادامدار كەلۋدە, دەپ حابارلايدى qandastar.kz

– بۇل وقيعانى اكەمنەن ەستىدىم. ءاربىر ازامات قولدان كەلگەنشە كومەكتەسۋى كەرەك. توتەنشە جاعدايدا جۇمىس جاساپ جاتقان بارشا دارىگەرلەرگە العىس بىلدىرەمىن, – دەيدى قان تاپسىرۋعا كەلگەن قىزداردىڭ ءبىرى.

دونور بولۋ – جاۋاپتى ءىس. زارداپ شەككەن ازاماتتارعا ءومىر سىيلاۋعا قۇشتار جانداردىڭ قاراسى كوپ.

– ءوڭىرىمىزدىڭ بارلىق جاناشىر تۇرعىندارىن قازىر قان ورتالىعىنا كەلىپ, قان تاپسىرۋلارىن سۇرايمىز! دەنىڭىز ساۋ بولسا, بۇگىن مايلى تاماق جەمەگەن بولساڭىز جانە ەڭ باستىسى مۇقتاج جاندارعا كومەكتەسكىڭىز كەلسە, ءبىز ءسىزدى بۇگىن 25 جەلتوقسان ساعات 16:00-گە دەيىن كۇتەمىز! – دەدى ماڭعىستاۋ وبلىستىق قان ورتالىعى.