Aqtaýlyqtar ushaq apatynan zardap shekkenderge kómektesý úshin qan tapsyryp jatyr

Foto: ashyq derekkóz

Aqtaý mańyndaǵy qaıǵyly ushaq apatynan keıin zardap shekkenderge qan tapsyrýǵa kóptegen adamdar kelýde, dep habarlaıdy qandastar.kz

— Bul oqıǵany ákemnen estidim. Árbir azamat qoldan kelgenshe kómektesýi kerek. Tótenshe jaǵdaıda jumys jasap jatqan barsha dárigerlerge alǵys bildiremin, – deıdi qan tapsyrýǵa kelgen qyzdardyń biri.

Donor bolý — jaýapty is. Zardap shekken azamattarǵa ómir syılaýǵa qushtar jandardyń qarasy kóp.

— О́ńirimizdiń barlyq janashyr turǵyndaryn qazir qan ortalyǵyna kelip, qan tapsyrýlaryn suraımyz! Denińiz saý bolsa, búgin maıly tamaq jemegen bolsańyz jáne eń bastysy muqtaj jandarǵa kómekteskińiz kelse, biz sizdi búgin 25 jeltoqsan saǵat 16:00-ge deıin kútemiz! – dedi Mańǵystaý oblystyq qan ortalyǵy.