جاڭالىقتار
اقتاۋلىقتار جاز بويى ىستىق سۋ كورمەيدى

فوتو:freepik.com
جىلۋ جەلىلەرىن قايتا قۇرۋ جۇمىستارىنا بايلانىستى اقتاۋ قالاسىندا جاز بويى ىستىق سۋ بولمايدى, دەپ حابارلايدى qandastar.kz اقپارات پورتالى Lada.kz-كە سىلتەمە جاساپ.
قالالىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى ىستىق سۋدىڭ جىلىتۋ ماۋسىمى اياقتالعاننان كەيىن وشىرىلەتىنىن مالىمدەدى.
«ماەك» سۋمەن جابدىقتاۋدى توقتاتسا, كاسىپورىن دا سۋدى تۇرعىندارعا جەتكىزە المايدى. قالادا جىلۋ جەلىلەرىن جاڭارتۋ جۇمىستارى باستالسا, ىستىق سۋ جىلۋ ماۋسىمى اياقتالعان ساتتە اجىراتىلادى.
ايتا كەتەيىك, ىستىق سۋدى قوسۋ ماسەلەسى جىلۋ جەلىلەرىن جوندەۋ جۇمىستارىنىڭ اياقتالۋىنا بايلانىستى بولادى. ونى قالپىنا كەلتىرۋ مەرزىمى تۋرالى قوسىمشا اقپارات بەرىلەدى.