جاڭالىقتار
اقتوبە گارنيزونىندا اسكەري قىزمەتكەر ءوزىن اتىپ ءولتىردى
فوتو: اشىق دەرەككوز
قۇرلىق اسكەرلەرىنىڭ قولباسشىلىعى قازا تاپقان اسكەري قىزمەتشىنىڭ وتباسى مەن جاقىندارىنا كوڭىل ايتتى.
اقتوبەدەگى اسكەري بولىمدەردىڭ بىرىندە مەرزىمدى اسكەري قىزمەتكەر قازا تاپتى, دەپ حابارلايدى qandastar.kz اقپارات پورتالى.
اقتوبە گارنيزونىنىڭ مالىمەتىنشە, وقيعا 23 قاراشادا بولعان.
«2024 جىلدىڭ 23 قاراشاسىندا اقتوبە گارنيزونى اسكەري بولىمدەرىنىڭ بىرىندە مەرزىمدى قىزمەتتەگى اسكەري قىزمەتكەر كۇزەت قىزمەتىن اتقارۋ كەزىندە بەكىتىلگەن قارۋدان وق اتىپ, ءوز وزىنە قول جۇمسادى», – دەلىنگەن حابارلامادا.
وقيعانىڭ سەبەپتەرى مەن ءمان-جايى انىقتالىپ جاتىر. اتالعان فاكتى بويىنشا قىلمىستىق ءىس قوزعالدى.
قۇرلىق اسكەرلەرىنىڭ قولباسشىلىعى قازا تاپقان اسكەري قىزمەتشىنىڭ وتباسى مەن جاقىندارىنا كوڭىل ايتتى.
