جاڭالىقتار
اقتوبە وبلىسىندا 9-سىنىپ وقۋشىسىن ءولتىرىپ كەتكەن
فوتو: اشىق دەرەككوزدەن
قايعىلى وقيعا 2 قىركۇيەكتە اقتوبە وبلىسى تەمىر اۋدانى كەڭەستۋ اۋىلىندا بولعان, دەپ حابارلايدى Qaz365.kz.
اقتوبە وبلىسى پوليتسيا دەپارتامەنتىنىڭ مالىمەتىنە سايكەس, اتالعان جايتقا قاتىستى قىلمىستىق ءىس قوزعالعان. جانجال ساباقتان تىس ۋاقىتتا, ياعني تۇندە بولعان. وقىس وقيعا سالدارىنان 9-سىنىپ وقۋشىسى كوز جۇمدى.
«جانجالداسقاندار ۇستالىپ, پوليتسيا بولىمىنە جەتكىزىلدى. ەكى كۇدىكتى انىقتالدى. تەرگەۋ امالدارى جۇرگىزىلىپ جاتىر», – دەلىنگەن حابارلامادا.
اقتوبە وبلىسى ءبىلىم باسقارماسىنىڭ باسشىسى جايىق سۇلتاننىڭ سوزىنشە, ۇستالعان بالالار تولىق وتباسىدان شىققان. ەسەپتە بولماعان.
قازىر مەكتەپتە بالالار اراسىندا قاۋىپسىزدىكتى كۇشەيتۋ, ءتارتىپتى قاتاڭداتۋ, بۋللينگتىڭ الدىن الۋ شارالارى قولعا الىندى.
