اقتوبە وبلىسىندا ءبىر ءۇيدىڭ ءتورت ادامى سۋعا باتىپ كەتتى

اقتوبە وبلىسىندا ءبىر وتباسىنىڭ ءتورت ادامى سۋعا باتىپ كەتتى, دەپ حابارلايدى Skifnews.kzاقپاراتتىق پورتالى.

قايعىلى وقيعا 3 تامىزدا ايتەكە بي اۋدانى جۇرگەنوۆ اۋىلىندا بولعان.

ىرعىز وزەنىندە سۋعا ءتۇسىپ جۇرگەن ءبىر وتباسىنىڭ 4 ادام باتىپ كەتتى. ولار 13,11 جانە 7 جاستاعى بالالار, سونداي-اق ولاردى قۇتقارۋعا تىرىسقان 39 جاستاعى ەر ادام.

ايتا كەتەيىك, ەر ادام ءوزىنىڭ بالالارى مەن تۋىسىن قۇتقارۋعا تىرىسقان. الايدا ول مۇمكىن بولماعان.

وبلىستىق توتەنشە جاعدايلار دەپارتامەنتى بالالار اتا-انالارىمەن بىرگە بولعانىن ايتتى.

مايىتتەردى ىزدەۋمەن قۇتقارۋشىلار, پوليتسەيلەر مەن جەرگىلىكتى تۇرعىندار اينالىسىپ, ولاردى سۋدان شىعاردى.

تجد تۇرعىندارى مەن قوناقتارىنان سۋداعى قاۋىپسىزدىك ەرەجەلەرىن قاتاڭ ساقتاۋدى سۇرايدى.