Aqtóbe oblysyndaǵy ken baıytý kombınatynda apat bolyp, eki jumysshy qaza tapty

Foto: t.me/HromtauLIVE

Aqtóbe oblysy Hromtaý aýdanynda ornalasqan Dóń ken-baıytý kombınatynda júk kóligi aýdarylyp ketti. Bul týraly qandastar.kz Stan.kz aqparat agenttigine silteme jasap habarlaıdy.

Apat saldarynan eki jumysshy oqıǵa ornynda qaza tapty.

«Qazhrom» TUK» AQ fılıaly Dóń taý-ken baıytý kombınatyndaǵy jol-kólik oqıǵasy saldarynan kásiporynnyń eki qyzmetkeri kóz jumdy. Oqıǵa týraly memlekettik organdarǵa habarlandy. Oqys oqıǵanyń mán-jaıy anyqtalyp jatyr. Kompanııa marqumdardyń otbasyna qajetti kómek kórsetedi”, – delingen «Qazhrom» kompanııasynyń habarlamasynda.

Áleýmettik jelide kombınatta bolǵan jol apatynyń vıdeosy jarııalandy. Vıdeodan júk kóliginiń úlken jyldamdyqpen kele jatyp, aýdarylyp ketkenin kórýge bolady.

Aqtóbe oblystyq polıııa departamentiniń málimetinshe, júk kóliginiń júrgizýshisi men jolaýshy qaza tapqan.

«Taý-ken nemese qurylys jumystaryn júrgizý kezinde qaýipsizdik erejelerin buzý faktisi boıynsha sotqa deıingi tergeý bastaldy», – delingen polıııa habarlamasynda.

Aqtóbe oblystyq memlekettik eńbek ınspekııasy jónindegi departamenti oqıǵanyń mán-jaıyn anyqtaý úshin komıssııa qurdy. Tekserý qorytyndysy boıynsha jaýapty tulǵalarǵa zań aıasynda shara qoldanylatyn bolady.

Eske salsaq, buǵan deıin Aqtóbe oblysyndaǵy shahtada ken opyrylyp, jumysshy qaza tapqany týraly jazǵan edik.