اقتوبە ساياباقتارىندا «تازا قازاقستان» اياسىندا تال ەگىلىپ جاتىر

مەرەكە كۇنى اقتوبەنىڭ ساياباقتارى مەن گۇلزارلارىندا تال ەگۋ شاراسى ءوتىپ جاتىر. «تازا قازاقستان» ەكولوگيالىق اكتسياسى اياسىنداعى بۇل ىسكە قوعام بەلسەندىلەرى, زەينەتكەرلەر جانە جاستار قاتىسۋدا.

ماسەلەن, قالانىڭ «بولاشاق» شاعىن اۋدانىنداعى الاڭدا 300-دەن استام تەرەك ەگىلدى. بۇل مولتەك اۋدان, حالىقارالىق اۋەجايعا جاقىن ورنالاسقان. تال ەگۋ جۇمىسىنا ەڭبەك ارداگەرلەرى, ستۋدەنتتەر, ۆولونتەرلەر قاتىستى. ابزال تاكەنوۆ, ستۋدەنت: – وسى تال ەگۋگە قاتىسىپ كەلە جاتقانىما 2 جىل بولدى. نەگىزى تال ەگۋ وتە دۇرىس دەپ سانايمىن.

سەبەبى وزىمە دە جاقسى اسەر كورسەتەدى, تابيعاتقا دا پايدالى. ءوزىم تابيعاتقا كومەكتەسكەندى ۇناتامىن. ارتۋر ازيەۆ, «جاسىل ەل» جاساقتارى توراعاسىنىڭ ورىنباسارى: – اقتوبە قالاسىنداعى ورمان شارۋاشىلىعىمەن تىعىز جۇمىس جاسايمىز. ول جاققا ءبىزدىڭ ستۋدەنتتەر مىسالى 80 سارباز وسى مامىر ايىنان باستاپ, سول جاقتا جۇمىس ىستەيىن دەپ جاتىر. تۇقىمنان باستاپ ەگەتىن بولادى, ول جاقتا ەندى 20-دان استام تالدىڭ ءتۇرى بار عوي.