Aqtóbede 92 jastaǵy ájeı tórt balasynan alıment óndirip aldy

Foto: ashyq derekkóz

Aqtóbede 92 jastaǵy ájeı tórt balasynan alıment óndirip aldy, – dep habarlaıdy qandastar.kz  Massaget.kz tilshisine silteme jasap.

Aqtóbe qalalyq sotynda talap qoıýshy D.-nyń 9 balasyn óziniń asyraýyna alıment óndirip alý týraly talap-aryzy boıynsha azamattyq is qaraldy.

Talap qoıýshy sotqa 8 jaýapker-balalarynan alıment óndirip alý týraly talap-aryzben júginip, aryzyn negizdeı, ol batyr ana jáne 92 jasta ekenin aıtyp, jasyna baılanysty kóptegen sozylmaly aýrýlardan zardap shegetinin málimdedi.

Talap qoıýshy ájeı D. Z. atty qyzynyń qamqorlyǵynda bolǵan. Ájeı óziniń talap-aryzynda kishi qyzy Z.-men qazirgi ýaqytta birge turatynyn jáne materıaldyq jaǵynan kómektesetinin túsindirip, osyǵan baılanysty sottan tek 8 balalarynan alıment óndirip alýdy surady.

Isti qaraý barysynda jaýapkerler sotqa analaryna teń dáreje kómek beretinderi týraly shynaıy jáne jetkilikti dáleldemeler usynylmady.

О́z kezeginde qyzy Z. úshinshi tulǵa retinde anasyna qamqor kórsetip júrgendigi týraly faktini dáleldep, bul dáleldemeler azamattyq is materıaldaryna beınejazbasy bar qosa berilgen dıskimen rastaldy.

Isti qaraý barysynda talap qoıýshy balalary oǵan kelmeıtindigin, sondaı-aq olardy 5-6 jyl kórmegenin kórsetip, bul da talap-aryzdyń durystyǵyn rastaıdy.

Jaýapkerlerdiń, talap qoıýshynyń kishi qyzy Z. olardy anasymen kezdesý úshin úıge kirgizbeıdi degenin sot eskermedi, sebebi óz dálelin tapqan joq. Sonymen birge sot muny mindetterinen jaltarýdyń bir ádisi retinde qarastyrdy.

Sot talap qoıýshynyń balalarynan alıment alýǵa quqyǵy bar ekenin anyqtap, alaıda olardyń tórteýi zeınetkerlik jasqa tolýlaryna baılanysty alıment óndirýge jatpaıtynyn eskerdi. Kodekstiń 145-baby 3 jáne 4-tarmaqtaryn eskere otyryp, talap koıýshynyń asyraýyna, isti qaraý kezinde qoldanylyp júrgen aılyq eseptik kórsetkishke saı, alımentti 4 jaýapkerden 7 eselengen mólsherde óndirdi. Sot jaýapkerlerdiń asyraýyndaǵy múgedek balalary men kámeletke tolmaǵan balalarynyń bolýyn da nazarǵa aldy.

Sot sheshimimen talap-aryz ishinara qanaǵattandyrylyp, 4 jaýapkerden anasynyń paıdasyna ony asyraýǵa árqaısysynan 7 AEK-ten alıment óndirdi. Sot sheshimi zańdy kúshine engen joq.