اقتوبەدە اينالما جولدا سۋ تاسقىنى بولدى

فوتو: سكرين

قازاۆتوجول اقتوبە وبلىسىندا اينالما جولدا سۋ تاسقىنى تىركەلگەنىن حابارلادى, دەپ جازادى qandastar.kz

 «18 ناۋرىز تاڭعى 07:00 شاماسىندا «قاندىاعاش — ەمبى — شالقار – ىرعىز» رەسپۋبليكالىق اۆتوجولىنىڭ 92 شاقىرىمىنداعى جەم كوپىرى ماڭىنداعى اينالما جولدا سۋ تاسقىنى تىركەلدى. تاسقىننىڭ ۇزىندىعى – 100 مەتر, ال بيىكتىگى – 50 سم. سۋ دەڭگەيىنىڭ كوتەرىلۋىنە بايلانىستى كوپىر ارقىلى بارلىق كولىكتىڭ قوزعالىسىنا شەكتەۋ قويىلدى», – دەلىنگەن حابارلامادا.

جاياۋ جۇرگىنشىلەر ءۇشىن قوزعالىس اشىق.

وقيعا ورنىنا 7 ارنايى تەحنيكا مەن 15 مامان جۇمىلدىرىلدى.

جول قىزمەتىنىڭ ماماندارى تاۋلىك بويى مونيتورينگ جۇمىستارىن جۇرگىزىپ جاتىر.