جاڭالىقتار
اقتوبەدە اسكەري وقۋ ورنىنىڭ كۋرسانتى وقىس جاعدايدا قازا تاپتى
وقيعا 15 شىلدە كۇنى بولدى. قر قك اۋە قورعانىسى كۇشتەرى اسكەري ينستيتۋتىنىڭ ءباسپاسوز قىزمەتى تاراتقان اقپاراتقا سۇيەنسەك, كۋرسانت جوسپارلى وقۋ-جاتتىعۋ كەزىندە پاراشيۋتپەن سەكىرگەن. سول كەزدە العان جاراقاتىنان وقيعا ورنىندا مەرت بولدى, دەپ حابارلايدى دەپ جازادى Qandastar.kz سايتى Skifnews.kz اقپارات پورتالىنا سىلتەمە جاساپ.
— الدىن الا اقپاراتقا سايكەس سەكىرۋ كەزىندە اسكەري قىزمەتشىنىڭ ءپاراشيۋتى اشىلماي قالىپ, ورنى تولماس قازاعا سەبەپ بولدى. وسى فاكتى بويىنشا قىلمىستىق ءىس قوزعالدى. وقيعانىڭ ءمان-جايىن انىقتاۋ ءۇشىن تەرگەۋ جۇرگىزىلىپ جاتىر. اسكەري ينستيتۋت پەن اۋە قورعانىسى كۇشتەرىنىڭ قولباسشىلىعى قازا تاپقان كۋرسانتتىڭ تۋعان-تۋىستارىنا قايعىرىپ كوڭىل ايتادى. ولارعا بارلىق قاجەتتى كومەك كورسەتىلەدى,- دەپ حابارلادى قر قك اۋە قورعانىسى كۇشتەرى اسكەري ينستيتۋتىنىڭ ءباسپاسوز قىزمەتى.
