Aqtóbede bilim bóliminiń bas mamanyna qatysty is tergelýde

Foto:Pixabay

Aqtóbe oblysynda bilim berý salasynda sybaılas jemqorlyqqa qatysty birneshe áreket oryn alǵan, dep jazady qandastar.kz aqparat portaly diapazon.kz-ke silteme jasap.

Aqtóbe qalasy bilim bóliminiń bas mamanyna qatysty is tergelýde. Ol 4,9 mln teńgeni urlady degen kúdikke ilindi.

Oblystyq bilim berý salasyndaǵy sapany qamtamasyz etý departamenti basshysynyń ýaqytsha mindetin atqarýshyǵa qatysty da qylmystyq is qozǵaldy. Sheneýnik mektep basshylarynan attestattaýdan ótýge kómekteskeni úshin para aldy dep aıyptalyp otyr.

Sybaılas jemqorlyqqa qarsy is-qımyl agenttigi mektepterde bıýdjet aqshasyn urlaýdy toqtatý jáne ózderine tıisti mólsherden artyq jalaqy aýdarýdyń aldyn alý baǵytynda birqatar sharalardy qolǵa alǵan.

«Býhgalterlik baǵdarlamalarǵa biryńǵaı tehnıkalyq talaptar bar, olar bul salada eńbek etpeıtinderdiń jalǵan derekterin engizýge tosqaýyl qoıýǵa múmkindik beredi. Al býhgalterııa memlekettik organdardyń, onyń ishinde qazynashylyqtyń derekter bazasymen biriktiriletin bolady», – deıdi vedomstvo.