اقتوبەدە ءبىر اپتا بۇرىن جوعالىپ كەتكەن دارىگەردىڭ دەنەسى تابىلدى

اقتوبەدە ءبىر اپتا بۇرىن جوعالىپ كەتكەن دارىگەردىڭ دەنەسى تابىلدى. بەلىگىلى بولعانداي, ونى ءولتىرىپ كەتكەنى انىقتالىپ, پوليتسەيلەر كۇدىكتىنى ۇستادى, دەپ حابارلايدى Qandastar.kz اقپارات پورتالى.

نەفرولوگ اباي ايساعاليەۆتىڭ تۋىستارى پوليتسياعا 23 مامىردا ۇيدەن شىعىپ, ورالماعانىن ايتىپ شاعىمدانعان. كەيىنىرەك ىزدەۋگە ەرىكتىلەر دە  قوسىلدى.

“اقتوبە قالاسىندا بۇرىن حابار-وشارسىز كەتكەن 1956 جىلى تۋعان ەر ادامدى ءولتىردى دەگەن كۇدىكپەن 31 جاستاعى جەرگىلىكتى تۇرعىن ۇستالدى. قازىرگى ۋاقىتتا وعان قاتىستى بارلىق قاجەتتى تەرگەۋ ارەكەتتەرى جۇرگىزىلۋدە. كۇدىكتى ۋاقىتشا ۇستاۋ يزولياتورىنا ورنالاستىرىلدى. تەرگەۋ مۇددەسى ءۇشىن باسقا دا مالىمەتتەر جاريا ەتىلمەيدى”,-دەدى وبلىستىق پوليتسيا دەپارتامەنتى.

اباي ايساعاليەۆيچ – تانىمال نەفرولوگ-دارىگەر, ونى كوپشىلىك جاقسى تانىعان.