Aqtóbede burynǵy áıelin kóshede teýip, tunshyqtyrǵan er adam porno vıdeolar túsirgen

Foto: ashyq derekkóz

KAZ.NUR.KZ saıtynyń jazýynsha, aqtóbelik Altyngúl Rahmetqyzynyń tórt aıdan beri mazasy ketti. Aıtýynsha, kúıeýi zańdy túrde ajyrasqan soń da tynyshtyq bermegen. Kóshede shabýyl jasap qylǵyndyryp, birneshe ret qoqan-loqy jasaǵan. Áıel burynǵy kúıeýine qatysty quqyq qorǵaý organdary tarapynan esh shara qoldanylmaı jatqanyn aıtady.

Bıyl aqpanda ajyrasýǵa aryz berdik. Men qorǵaýshy izdep, Astanaǵa ketkenimde úıge kelgen. Balalarmen qorqytty. 22 jastaǵy uldyń atyn aıtyp» oǵan birdeńe bolady dep qoryqpaısyń ba» dep habarlasty. Astanadan kelgen soń 5 sáýirde polıııaǵa aryz jazdym. Ol úıge kelip mazalaı berdi. Bolmaǵan soń polıııa shaqyrdym. Polıııa bir aıǵa qorǵaý tártibin engizdi. 18 sáýirde ol maǵan shabýyl jasady. Keshki ýaqytta dárihanaǵa kelgen edim. Qyzym kólikte qaldy. Kelgenimde qyzym sóıleı almaı jatty. Qyzymnyń kózi túsken jaqqa qaraǵanymda burynǵy kúıeýimniń kele jatqanyn kórdim. Balaǵa zııany tımesin dep birden kólikti japtym. Qasyma kelip «men seni óltiremin» dep ishimnen bir urdy. Shnýrmen moınymnan qylǵyndyra bastady. Sol kezde ótip bara jatqan bir adam kómektesti. Men tek sońǵy 20 sekýndty vıdeoǵa túsirip úlgerdim. Onda qolynda shnýr bar ekeni anyq kórinedi. Sol jerde polıııaǵa habarladym, aryz jazdym, ekspertıza jasattym. Moıynymda qylǵyndyrǵan, ishimde kógergen jer boldy. 19 sáýirden bastap meni kúndiz-túni polıııa kúzetedi. Olar aýladaǵy shaǵyn úıde turady. Menimen barlyq jerde erip júredi. Qonaqqa barsam da birge barady, – deıdi Altyngúl Rahmetqyzy.

Aıtýynsha, ajyrasyp jatqan kúıeýimen arada úsh balasy bar. 22 jastaǵy uly jaqynda áskerge ketken. 17 jáne 12 jastaǵy balalary da ákelerinen qorqady.

Ol 23 jyl boıy qol jumsap keldi. Biraq ony syrtqa shyǵarǵan emespin. Kez-kelgen sátte janjal bastaıtyn. Uryp jiberedi, qylǵyndyrady. Otbasy bolǵan soń ondaılar bola beretin shyǵar dep júre berdik. Basqa áıeli baryn bilgennen keıin shydaı almadym. Men oǵan qatysty birneshe aryz túsirdim. Biraq oǵan qatysty eshqandaı shara qabyldanyp jatqan joq. Maǵan dene jaraqatyn keltirip, úıińdi órteımin dep neshe túrli qorqytatyn habarlama jiberdi. Balalaryńa da kúzetshi jalda degen. Qazir balalary odan qorqady. Úsheýi de óziniń balasy. Men ómirim, balalarym úshin qorqamyn. Osy ýaqytqa deıin bir shara qoldanbaı sozylyp ketkeni alańdatady. Ol aqshasy bar qaltaly adam. Qutylyp ketýi múmkin, – deıdi ol.

Tipti kelinshek burynǵy kúıeýimen birge turǵan kezde tósekte bolǵan sátter túsirilgen vıdeolardy taýyp alǵanyn da aıtty.

Ekeýmizdiń tósek qatynasymyzdy jasyryn vıdeoǵa túsirip, papkaǵa atymdy jazyp saqtap qoıǵan. Ondaı birneshe vıdeo bar. Ol jerde jalǵyz men emes. Birneshe áıel, qyz-kelinshek júr. Báriniń atyn jazyp, bólek papka qylyp saqtaǵan. Ony baıqaýsyzda kabınetin jınap júrip kórdim. Fleshkalar jatty. Jumys isteıtin fleshkalar ma dep tekserip qaraǵanda pornografııalyq vıdeolardy kórdim. Jasyryn kameramen túsirilgen bolýy múmkin. Eger telefonmen túsirse baıqar edim. Astynan túsirilgen. Bári aldyn ala daıyndalǵan dep oılaımyn. Júzden asa vıdeo bar. Ishinde 20-dan asa qyz kelinshek júr. Ol papkalar 2018 jyldan bastap jınaqtalǵan. Qaı kúni túsirilgeni vıdeoda shyǵyp tur. Buǵan qatysty qylmystyq is tergeýde, – dedi Altyngúl Rahmetqyzy.

Kelinshek qazir qorǵaýshysyn ertip, polıııa men prokýratýranyń tabaldyryǵyn tozdyryp júr.

Meniń qorǵaýymdaǵy azamatshanyń ómirine tóngen qaýip boıynsha qorǵaý taǵaıyndaldy. Tórt aıdan beri kúndiz-túni eki polıııa qyzmetkeri kezektesip kúzetedi. Biz isti ádil qaraýyn suraımyz. Ákimshilik isti alty kúnnen beri sozyp otyr. Ol – kásipker. Aqshasy bar. Áıelin «úlken jerde tanystarym bar» dep qorqytqan. 18 sáýirde ony ańdyp, qylǵyndyrdy. Ony kóshede ótip bara jatqan er adam qutqaryp qaldy. Áli kúnge deıin qutqarǵan adamdy eshkim izdegen joq, kýáger retinde jaýap almady. Er adam dene jaraqatyn ákeldi. Mashınanyń artynda otyrǵan qyzy oqınyń bárin kórip otyrǵan. Qorǵaýymdaǵy azamatsha sharasyz. Quqyq qorǵaý oryndary nege tıisinshe áreket etpeı otyr? Adam ólimi kerek pe? Bizdiń bilýimizshe, ol adam birneshe qorǵaýshy jaldaǵan. Arasynda buryn prokýratýrada qyzmet etkender bar. Oblystyq prokýratýraǵa eki ret bardyq. Qalaı bolǵanda da bul aqshasy bar adam. Kúmán kóp. Sondyqtan bul jaǵdaıdy qoǵam aldynda aıtýǵa bel býdyq,- dedi qorǵaýshy Eskendir Adamjanov.

Al polıııa departamenti oqıǵaǵa qatysty tergeý júrip jatqanyn habarlady.

Qorqytý fakti boıynsha sotqa deıingi tergep-tekserý júrgizilip jatyr. Qylmystyq isti tergeýdiń tolyqtyǵy men obektıvtiligin qamtamasyz etý úshin barlyq qajetti shara qabyldandy. Sondaı-aq isti tergeý sheńberinde taraptar usynǵan barlyq dálelder tekseriledi, – dedi Aqtóbe oblystyq polıııa departamentiniń baspasóz qyzmeti ókili.

Polıııa qylmystyq isti tergep-tekserý aıasynda ózge aqparattyń jarııa etýge jatpaıtynyn habarlady.