Aqtóbede dárigerdiń qazasyna qatysty sot bastaldy: marqumnyń ákesi sottyń ádil ótýin talap etip otyr

Foto: KAZ.NUR.KZ

Aqtóbede óz páterinde kisi qolynan qaza bolǵan jas dárigerdiń ólimine qatysty sot bastaldy. Kúdiktige Qylmystyq kodekstiń tórt birdeı baby boıynsha aıyp taǵyldy, dep habarlaıdy KAZ.NUR.KZ tilshisi.

Búgin Aqtóbe oblystyq qylmystyq ister jónindegi mamandandarylǵan aýdanaralyq sotynda jas dárigerdiń ólimine qatysty jabyq sot bastaldy. Kúdiktige tórt birdeı bappen aıyp taǵylǵan: Qylmystyq kodekstiń 149-babynyń 2 tarmaǵy – «Turǵynjaıǵa qolsuǵylmaýshylyqty buzý», 120-baptyń 2-tarmaǵynyń 2-bóligi – «Zorlaý», 99-baptyń 2-tarmaǵy – «Adam óltirý» jáne 380-baptyń 1-tarmaǵy – «Bılik ókiline qatysty qorqytý nemese kúsh kórsetý áreketteri». Sot talqylaýyna tek proeske qatysýshylar ǵana kirdi. Ertemen sot ǵımaratynyń aldyna kelgen jábirlenýshiniń ákesi janaıqaıyn jetkizdi. «Maǵan sottyń ádil sheshim shyǵarǵany kerek. Maksımaldy túrde jaza taǵaıyndasa deımiz. Qolymen istegendi moınymen kóterýi kerek ol bala. Bizge ońaı bolǵan joq, jalǵyz qyzymyzdan aıyryldyq. Sot ashyq bolsyn dep aıtamyn, biraq jabyq bolady dep jatyr. Qorǵaýshym bar. О́zim aıtarym, sot ádil ótip, ádil sheshim shyǵarsa deımin. Qalaı bolǵany shet jaǵasy belgili. Sot qansha ýaqytqa sozylatynyn bilmeımin. Qyzymdy aıýandyqpen óltirgen. Soǵysta da mundaı jaǵdaı bolmaǵan shyǵar. Materıaldy kórsetti, tanystym. Ondaı haıýandyqqa qalaı barǵanyn bilmeımin. Qolymda bolsa atý jazasyn berer edim. Maǵan qarasyp, densaýlyǵyma qarasyp otyrǵan. Aqtóbede 10 jyl oqydy, grantqa tústi, óz bilimimen jumysqa turdy. Ujymda bedeli bar edi. Qaıteıin»,- dedi marqumnyń ákesi Qaldybaı Tumarov. Móldir Tomarova – Qyzylorda oblysynyń týmasy. Ákesi qyzynyń isine qatysý úshin Qyzylordadan arnaıy kelgen. Úshinshi top múgedektigi bar.

Ecke salsaq, qaıǵyly oqıǵa bıyl 22 sáýirde bolǵan. Aqtóbe medıına ortalyǵynyń endokrınolog dárigeri Móldir Tomarovanyń kórshileri qandy oqıǵa týraly kórgen-bilgenin aıtyp berdi. Keıin «jalǵyz qyzymdy aıaýsyz óltirdi» dep suqbat bergen marqumnyń ákesi istiń ádil tergelýin surady. Sot proesi jabyq ótedi. Oblystyq sottyń baspasóz qyzmetiniń málimetinshe, qylmystyq iste zorlaý baby boıynsha mán-jaılar aıtylady.