جاڭالىقتار
اقتوبەدە كاسىپكەر 13 جاسار بالانى زورلاعان
فوتو: اشىق دەرەككوز
«نەمولچي» قوعامدىق قورىنا ەر ادام جۇگىنىپ, كومەك سۇراپتى. ايتۋىنشا, 13 جاسار بالاسى زورلىقتىڭ قۇربانى بولعان, – دەپ حابارلايدى qandastar.kz
ءسويتىپ, قىلمىستىق ءىس سوناۋ 1 تامىزدا قوزعالىپتى. ال, 8 تامىزدا جاسالعان ساراپتاما زورلىقتىڭ ءبىر رەت بولماعانىن راستاپ شىققان. ناتيجەسىندە, كۇدىكتىلەر قۇرىقتالىپ, بولىمشەگە جەتكىزىلگەن ەكەن. الايدا, بىرەۋى عانا يزولياتورعا توعىتىلىپ, ەكىنشىسى ءۇي قاماعىنا جىبەرىلگەن.
جابىرلەنگەن بالانىڭ اكەسىنىڭ مالىمدەۋىنشە, الگى ءۇي قاماعىنا جىبەرىلگەن ەر ادام – ءىرى كاسىپكەر. اقشاسى عانا ەمەس, تامىر-تانىستارى دا كوپ. سونداي-اق, وتباسىلى, بالا-شاعاسى بار. ءبىر ۇلى جابىرلەنگەن بالانىڭ قۇرداسى ەكەن. ال, قۇرباندارىمەن «ۆك» جەلىسىندە تانىسىپ, قاقپاندارىنا تۇسىرەتىن بولعان. ياعني, بوستاندىقتا بولعانىن پايدالانىپ, جەلىدە ساقتالعان دايەكتەردىڭ ءبارىن جويىپ تاستاۋى ابدەن مۇمكىن.
