Aqtóbede kásipker 13 jasar balany zorlaǵan

Foto: ashyq derekkóz

«NeMolchı» qoǵamdyq qoryna er adam júginip, kómek surapty. Aıtýynsha, 13 jasar balasy zorlyqtyń qurbany bolǵan, – dep habarlaıdy qandastar.kz

Sóıtip, qylmystyq is sonaý 1 tamyzda qozǵalypty. Al, 8 tamyzda jasalǵan saraptama zorlyqtyń bir ret bolmaǵanyn rastap shyqqan. Nátıjesinde, kúdiktiler quryqtalyp, bólimshege jetkizilgen eken. Alaıda, bireýi ǵana ızolıatorǵa toǵytylyp, ekinshisi úı qamaǵyna jiberilgen.

Jábirlengen balanyń ákesiniń málimdeýinshe, álgi úı qamaǵyna jiberilgen er adam – iri kásipker. Aqshasy ǵana emes, tamyr-tanystary da kóp. Sondaı-aq, otbasyly, bala-shaǵasy bar. Bir uly jábirlengen balanyń qurdasy eken. Al, qurbandarymen «VK» jelisinde tanysyp, qaqpandaryna túsiretin bolǵan. Iaǵnı, bostandyqta bolǵanyn paıdalanyp, jelide saqtalǵan dáıekterdiń bárin joıyp tastaýy ábden múmkin.