Aqtóbede kepilde bolǵan qarııanyń qyzy polıııany aıyptady

Foto: ashyq derekkóz

Aqtóbede qorada kepilge alynyp, aıaýsyz óltirilgen qarttyń qyzymyn degen Eleonora Alı atty jeli qoldanýshysynyń habarlamasy tarady. Polıııa onyń sózin joqqa shyǵaryp otyr, dep habarlaıdy qandastar.kz

Eleonora Alıdyń jazýynsha, polıııa 5 saǵat boıy kúdiktimen sóılesip, kelisimge kele almaı turǵan kezde, onyń 75 jastaǵy ákesi ómir men ólimniń arasynda jantalasyp jatqan.

«Men qaıtys bolǵan kisiniń qyzymyn… Oqıǵa bolǵan kúni polıııaǵa keshki saǵat 19.38-de habar berildi. Polıııa túngi saǵat 01.00-de úıge basyp kirdi. Onymen 5 saǵat boıy sóılesken. Sheshesi kúndiz qaza bolǵan, al meniń ákem klınıkalyq ólim jaǵdaıynda jatty. Eger polıııa kelgen boıda shara qabyldaǵanda ákem tiri qalatyn edi… Eger polıııa kele sala kúdiktini ustaý úshin úıge basyp kirgende, ákemniń ómirin qutqarýǵa bolatyn edi…» – dep jazdy jeli qoldanýshysy.

Aqtóbe oblysynyń polıııa departamentiniń baspasóz qyzmeti habarlamany teriske shyǵardy.

«Bul aqparat shyndyqqa janaspaıdy. Resmı aqparatqa senýińizdi suraımyz», – dep jaýap berdi polıııadan.

Osyǵan deıingi resmı habarlamada polıııanyń kúdiktimen 3 saǵat kelissóz júrgizgeni, kúdikti kepilge alǵan adamdy bosatý týraly talaptardy oryndaýdan bas tartqan soń úıge basyp kirý týraly sheshim qabyldanǵany aıtylǵan bolatyn.

Eske salaıyq, bir apta buryn Aqtóbede 40 jastaǵy er adam Máskeý aýdanynda ornalasqan úıge kirip, tanys áıel men onyń anasyn jáne ógeı ákesin kepilge alǵan. Ol úıge kire sala, áıelden bastap, onyń zeınetker áke-sheshesin aıaýsyz uryp-soqqan. Esik-terezeni jaýyp, 75 jastaǵy qart pen 67 jastaǵy ájeıdi pyshaqtap, qoraǵa qamap tastaǵan. Ájeı sol jerde qaza tapsa, qarııa aýrýhanaǵa jetken soń jantásilim etti. Búgin qaza bolǵan kisilerdiń qyzy aýrýhanadan shyqty.