اقتوبەدە مۇعالىم وقۋشىمەن جىنىستىق قاتىناسقا ءتۇستى دەگەن كۇدىككە ءىلىندى

فوتو: Pixabay

اقتوبەلىك پەداگوگ قىلمىستىق كودەكستىڭ «16 جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى وزگە دە ارەكەتتەر جاساۋ» بابى بويىنشا كۇدىككە ءىلىندى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

اقتوبەدە جوعارى سىنىپ وقۋشىسىمەن قاتىناستا بولدى دەگەن كۇدىككە ىلىككەن پەداگوگ ارەكەتىنە قاتىستى تەرگەۋ امالدارى ءجۇرىپ جاتىر. وقيعا تۋرالى ايەلدىك  بۇرىنعى كۇيەۋى ايتتى. ونىڭ ايتۋىنشا, بەس جىل بىرگە تۇرعان 24 جاستاعى ايەلى مەكتەپ وقۋشىسىمەن كوڭىل قوسقان.

مەكتەپ ديرەكتورى ءمان-جاي تۋرالى ءتيىستى ورگاندارعا حابار بەرگەنىن, پەداگوگتىڭ قازىر جۇمىس ىستەمەيتىنىن حابارلادى.

“جابىق تۇردە بولعان سوڭ ءبىز بۇل تۋرالى ەشقانداي اقپارات بەرە المايمىز. جاعداي انىقتالعاننان كەيىن ءتيىستى ورگاندارعا حابارلادىم. مۇعالىم قازىر جۇمىس ىستەمەيدى», – دەدى مەكتەپ ديرەكتورى.

ال اقتوبە وبلىستىق پوليتسيا دەپارتامەنتى وقيعاعا قاتىستى قر قك-ءنىڭ  122-بابىمەن, ياعني, “ون التى جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى وزگە دە ارەكەتتەر جاساۋ” بويىنشا تەرگەۋ امالدارى ءجۇرىپ جاتقانىن راستادى.

ىسكە قاتىستى باسقا مالىمەتتەر ايتىلعان جوق.