جاڭالىقتار
اقتوبەدە نايزاعاي ءتۇسىپ, جۇمىسشى كوز جۇمدى
فوتو: Pixabay.com
اقتوبە فەرروقورىتپا زاۋىتىنىڭ جۇمىسشىسىنا نايزاعاي ءتۇسىپ, كوز جۇمدى, دەپ حابارلايدى Ozgeris.Info.
اقتوبە قالاسىندا جاڭبىر جاۋىپ, نايزاعاي وينادى. اقتوبە فەرروقورىتپا زاۋىتىنىڭ جۇمىسشىسى نايزاعاي ءتۇسىپ, كوز جۇمدى.
«اقتوبە فەرروقورىتپا زاۋىتى اۋماعىندا 35 جاستاعى ەر ادامنىڭ ەس-ءتۇزسىز جاتقانى تۋرالى حابار ءتۇستى. جۇمىسشىلاردىڭ ايتۋىنشا, كەشكى استان كەيىن ول دالاعا شىققان. ال ىشتە وتىرعان جۇمىسشىلار وعان نايزاعاي تۇسكەنىن, كەيىن قوزعالىسسىز قالعانىن كورگەن. سول كەزدە جەدەل جاردەم شاقىرعان. جۇمىسشى جەدەل جاردەم بريگاداسى جەتكەنشە كوز جۇمعان», — دەپ حابارلادى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى.
ايتا كەتەيىك, اقتوبەدە نوسەر جاۋىن جاۋىپ, جول وپىرىلىپ ءتۇستى. كوپقاباتتى ۇيلەردە كارىز سۋى كەرى اعىپ, پاتەر ءىشىن بۇلدىردى.
