Jańalyqtar
Aqtóbede naızaǵaı túsip, jumysshy kóz jumdy
Foto: Pixabay.com
Aqtóbe ferroqorytpa zaýytynyń jumysshysyna naızaǵaı túsip, kóz jumdy, dep habarlaıdy Ozgeris.Info.
Aqtóbe qalasynda jańbyr jaýyp, naızaǵaı oınady. Aqtóbe ferroqorytpa zaýytynyń jumysshysy naızaǵaı túsip, kóz jumdy.
«Aqtóbe ferroqorytpa zaýyty aýmaǵynda 35 jastaǵy er adamnyń es-túzsiz jatqany týraly habar tústi. Jumysshylardyń aıtýynsha, keshki astan keıin ol dalaǵa shyqqan. Al ishte otyrǵan jumysshylar oǵan naızaǵaı túskenin, keıin qozǵalyssyz qalǵanyn kórgen. Sol kezde jedel járdem shaqyrǵan. Jumysshy jedel járdem brıgadasy jetkenshe kóz jumǵan», — dep habarlady oblystyq Densaýlyq saqtaý basqarmasynyń baspasóz qyzmeti.
Aıta keteıik, Aqtóbede nóser jaýyn jaýyp, jol opyrylyp tústi. Kópqabatty úılerde káriz sýy keri aǵyp, páter ishin búldirdi.
