جاڭالىقتار
اقتوبەدە ويىن الاڭىندا 9 جاستاعى بالا قايتىس بولدى
فوتو: اشىق دەرەككوز
قايعىلى وقيعا كەشە تۇندە نۇر-اقتوبەدە كوپقاباتتى تۇرعىن ءۇيدىڭ بالالار ويىن الاڭىندا بولعان, دەپ حابارلايدى Qandastar.kz. كۋاگەرلەردىڭ ايتۋىنشا, 9 جاستاعى بالا ويناپ وتىرىپ اتكەنشەكتەن قۇلاپ كەتكەن, الەۋمەتتىك جەلىدە ۆيدەوسى تاراپ كەتتى.
اقتوبە وبلىسىنىڭ دەنساۋلىق ساقتاۋ باسقارماسىنىڭ حابارلاۋىنشا, جەدەل جاردەم قوڭىراۋ قابىلداعاننان كەيىن 7 مينۋتتا كەلگەن. بالا ەس-ءتۇسسىز جاتقان, كۋاگەرلەر ونىڭ كەۋدەسىنە ماسساج جاساعان. 103 دارىگەرلەرى بالانى 30 ينۋت بويى رەانيماتسيالاۋعا تىرىسقانىمەن ناتيجە بولمادى.
– كامەلەتكە تولماعان بالانىڭ ءولىمى بويىنشا قازاقستان رەسپۋبليكاسى قىلمىستىق كودەكسىنىڭ 306-بابىنىڭ 3-بولىگى بويىنشا «قاۋىپسىزدىك تالاپتارىنا سايكەس كەلمەيتىن تاۋارلاردى شىعارۋ نەمەسە وتكىزۋ, جۇمىستاردى ورىنداۋ نەمەسە قىزمەتتەردى كورسەتۋ» بويىنشا دەيىنگى تەرگەپ-تەكسەرۋ جۇرگىزىلۋدە, – دەلىنگەن اقتوبە وبلىسىنىڭ پوليتسيا دەپارتامەنتى ۇسىنعان حابارلامادا.
