جاڭالىقتار
اقتوبەدە پودپولكوۆنيك ساربازعا جەردەگى كەسپەنى جەۋگە ماجبۇرلەپ, ۇرعان, بىراق جازادان قۇتىلىپ كەتكەن
فوتو: اشىق دەرەككوز
اقتوبەدە پودپولكوۆنيك ساربازعا جەرگە تۇسكەن كەسپەنى جەۋگە ماجبۇرلەگەن. بۇيرىعىن ورىنداماعانى ءۇشىن ساربازدى سوققىعا جىقتى. وسى ىسىنە قاراماستان, اسكەري قىزمەتكەر جازادان قۇتىلىپ كەتتى, دەپ حابارلايدى qandastar.kz Alash.KZ-كە سىلتەمە جاساپ.
«دياپازون» باسىلىمى جازعانداي, اقتوبە گارنيزونىنىڭ اسكەري سوتىندا سوتتالۋشىلاردىڭ ورىندىعىندا قورعانىس مينيسترلىگىنىڭ اسكەري ءبولىمىنىڭ زەنيتتىك زىمىران ديۆيزيوندارى شتابىنىڭ باستىعى «51809» نومىرىمەن وتىردى. ول لاۋازىمدىق وكىلەتتىگىن اسىرا پايدالاندى جانە قاتارداعى جاۋىنگەردى ۇردى دەپ ايىپتالدى.
ءىس ماتەريالدارىنا سايكەس, جەكە قۇرامدى ساپقا تۇرعىزۋ كەزىندە ول كازارما جاققا كەتىپ بارا جاتقان بىرنەشە قاتارداعى جاۋىنگەرلەردى بايقاپ قالادى. سويلەسۋ بارىسىندا ولاردىڭ تۇسكى اسقا كەشىگىپ كەلگەنى ءۇشىن ەسكەرتۋ جاسايدى. ءبىر ساربازدىڭ ارقاسىنداعى سومكەسىنەن بىرنەشە جىلدام دايىندالاتىن كەسپە بارىن كورىپ, «اشتان ءولىپ باراسىڭدار ما?» دەپ ولاردى پاكەتتەگى كەسپەنى جەۋگە ماجبۇرلەيدى. كەيىن جەرگە تۇسكەن كەسپەنى جەپ قويۋدى بۇيىرادى, بىراق ساربازدار بۇل تالاپتى ورىنداۋدان باس تارتقان
بۇعان اشۋلانعان پودپولكوۆنيك ءبىر جاۋىنگەردى 8 رەت قۇلاعىنان شاپالاقپەن ۇرىپ, كەيىن بەتىنەن جۇدىرىقپەن ۇرعان.
ساراپتاما ناتيجەلەرىنە سايكەس, جابىرلەنۋشىنىڭ قۇلاق مەمبراناسى مەن سول قۇلاقتىڭ قۇلاق قالقانى جارىلعان.
سوتتا ايىپتالۋشى قىلمىسىن تولىق مويىندادى, بىراق جازاعا تارتىلعان جوق. سوققىعا جىعىلعان سارباز ءوزىنىڭ قارسىلاسىمەن تاتۋلاسىپ, ونى قىلمىستىق جاۋاپكەرشىلىكتەن بوساتۋدى سۇرادى. سوتتالۋشى بۇل شەشىمگە قارسى بولعان جوق. ناتيجەسىندە اقتوبە گارنيزونىنىڭ اسكەري سوتى تاراپتاردىڭ تاتۋلاسۋىنا بايلانىستى پودپولكوۆنيكتى قىلمىستىق جاۋاپكەرشىلىكتەن بوساتتى.
