اقتوبەدە تەندەردىڭ ءبىر بولىگىن العان اكىمدىك قىزمەتكەرلەرى 6 جىلعا سوتتالدى

فوتو: Stan.kz

شالقار اۋدانى اكىمىنىڭ ورىنباسارى بەكتۇرعان زايرىمبەت پەن اۋداندىق تۇرعىن ءۇي-كوممۋنالدىق شارۋاشىلىق ءبولىمىنىڭ باسشىسى التىنباي بەركىمباەۆ سوت زالىنان قاماۋعا الىندى, دەپ جازدى

ولار ەندى مەملەكەتتىك قىزمەتكە كەلە المايدى. سوتتالۋشىلار قارجىنى كەدەرگىسىز اۋدارۋ, قامقورلىق جاساۋ ءۇشىن كەلىسىمشارت سوماسىنىڭ 1%-ىن الدى. بۇل تۋرالى Stan.kz اقپارات اگەنتتىگى حابارلايدى.

شالقار اۋداندىق سوتى “پارا الۋ” بابىمەن ايىپتالعان قوس شەنەۋنىكتى اباقتىعا قاماۋ تۋرالى ۇكىم شىعاردى. شالقار اۋدانى اكىمىنىڭ ورىنباسارى بەكتۇرعان زايرىمبەت قىلمىستىق كودەكستىڭ 366-بابى 3-بولىگىنىڭ 1,2 تارماعىمەن (پارا الۋ) ايىپتالسا, اۋداندىق تۇرعىن ءۇي-كوممۋنالدىق شارۋاشىلىق ءبولىمىنىڭ باسشىسى التىنباي بەركىمباەۆ قىلمىستىق كودەكستىڭ 366-بابى 3-بولىگى 1,2,4 تارماعى (پارا الۋ) بويىنشا كىنالى.

قوس شەنەۋنىك ادامدار توبىنىڭ ءسوز بايلاسۋىمەن مەردىگەردى قورقىتىپ, پارا العانى دالەلدەندى. سوت التىنباي بەركىمباەۆتان 1,5 ميلليون تەڭگە مەملەكەت پايداسىنا تاركىلەۋدى مىندەتتەدى. ال بەكتۇرعان زايرىمبەتتەن 1 ميلليون تەڭگە مەملەكەت پايداسىنا تاركىلەنۋگە تيىس.

سونىمەن قاتار قوس شەنەۋنىك ەندى مەملەكەتتىك قىزمەتتە, سۋديا قىزمەتتە, جەرگىلىكتى ءوزىن-ءوزى باسقارۋ ورگاندارىندا, ۇلتتىق بانكىندە, ونىڭ ۆەدومستۆولارىندا, قارجى ۇيىمدارىندا ۋاكىلەتتى ورگانداردا, كۆازيمەملەكەتتىك سەكتور سۋبەكتەرىندە لاۋازىمدى اتقارۋ قۇقىعىنان ءومىر بويىنا ايىرىلدى. سوت ارقايسىسىنا 6 جىل مەرزىمگە باس بوستاندىعانان ايىرۋ جازاسىن تاعايىندادى. جازانى قىلمىستىق اتقارۋ جۇيەسىنىڭ ورتاشا قاۋىپسىز مەكەمەسىندە وتەۋ بەلگىلەندى.

ءىس ماتەريالدارىنا سەنسەك, اۋداندىق تۇكش ءبولىمىنىڭ باسشىسى التىنباي بەركىمباەۆپەن 2024 جىلى  «ليدەر-نس ستروي» جشس-مەن مەملەكەتتىك ساتىپ الۋ تۋرالى كەلىسىمشارتى جاسالعان. قوسالقى مەردىگەر – «ەۋروپا نس» جشس.  كەلىسىمشارت قۇنى – 223 796 648 تەڭگە. بەركىمباەۆ پايداكۇنەمدىك پيعىلمەن قۇزىرەتتى جەكە ماقساتقا پايدالانىپ, ورىندالعان جۇمىستىڭ ساپاسىن تەكسەرمەي قابىلداۋ ءۇشىن كەزىندە كەدەرگىسىز وتكىزۋ ءۇشىن 200 مىڭ تەڭگە اقشا العان.

كەلەسى مەردىگەردى اۋدان اكىمىنىڭ ورىنباسارى مەن ءبولىم باسشىسى بىرىگىپ قورقىتىپ, 2,3 ميلليون تەڭگە العان.

وندا «ەل دامۋ ىرىس» جشس-ءى اراسىندا كارىز قۇبىرىن تارتۋ ءۇشىن كەلىسىمشارت جاسالادى. قۇنى – 228 224 506 تەڭگە.
سوتتالۋشىلار قارجىنى كەدەرگىسىز اۋدارۋ, قامقورلىق جاساۋ ءۇشىن كەلىسىمشارت سوماسىنىڭ 1 پايىزىن الدى. ياعني, 2 ميلليون 300 مىڭ تەڭگە اقشاسىن پارا رەتىندە بەرۋدى تالاپ ەتكەن. “پارا الۋ” بابىمەن ايىپتالعان مەملەكەتتىك قىزمەتكەرلەر جازاسىن تەمىر توردا وتەيدى.

ەسكە سالايىق, بۇعان دەيىن الماتى تۇرعىندارى كوممۋنالدىق قىزمەتتە جۇمىس ىستەگەن بۋحگالتەردى ىرى كولەمدە الاياقتىق جاسادى دەپ ايىپتاپ وتىر. ولاردىڭ ايتۋىنشا, ايەل قوممۋنالدىق قىزمەت قاراجاتىنان 58 ميلليون تەڭگەنى جىمقىرىپ, جەكە قاجەتىنە جۇمساعان. سونىڭ سالدارىنان ءبىر تۇرعىن ءۇي كەشەنىنىڭ تۇرعىندارى جوندەۋ جۇمىستارىنان قاعىلىپ, تۇرمىستىق قيىندىقتارعا تاپ بولدى: ءتورت قاباتتى ۇيلەردە ءجيى جارىق ءوشىپ, جەرتولەنى سۋ باسىپ, شاتىردان سۋ اققان. اتالعان ماسەلەلەردى شەشۋگە ارنالعان قارجى بوتەن بىرەۋدىڭ شوتىندا جاتىر.