اقتوبەدە تىكۇشاق قۇلادى: زارداپ شەككەندەر بار

فوتو: اشىق دەرەككوز

اقتوبە وبلىسىندا تىكۇشاق اپاتقا ۇشىراپ ءبىر ادام قازا تاۋىپ, ەكەۋى اۋرۋحاناعا جەتكىزىلدى, دەپ جازادى qandastar.kz قورعانىس مينيسترلىگىنىڭ مالىمەتىنە سۇيەنىپ.

اۋە قورعانىسى كۇشتەرى اسكەري ينستيتۋتىنىڭ مي-8 تىكۇشاعى. ول وقۋ-جاتتىعۋ ۇشۋىن ورىنداعان.

بورتتا ءۇش ەكيپاج مۇشەسى بولدى. ەكيپاج مۇشەلەرىنىڭ ءبىرى قازا تاۋىپ, ەكەۋى اۋرۋحاناعا جەتكىزىلدى. ولارعا قاجەتتى مەديتسينالىق كومەك كورسەتىلەدى.

«اۆياتسيالىق وقيعانىڭ الدىن-الا سەبەبى-تەحنيكالىق اقاۋلىق. وقيعانىڭ ءمان-جايى انىقتالۋدا», – دەدى ۆەدومستۆو

جەرگىلىكتى جەردە ۆەدومستۆوارالىق جەدەل توپ جۇمىس ىستەيدى.

«قارۋلى كۇشتەردىڭ باسشىلىعى مەن اۋە قورعانىسى كۇشتەرىنىڭ قولباسشىلىعى قازا تاپقان اسكەري قىزمەتكەردىڭ تۋىستارى مەن جاقىندارىنا قايعىرا كوڭىل ايتادى. ونىڭ تۋىستارىنا, سونداي-اق زارداپ شەككەندەرگە بارلىق قاجەتتى كومەك كورسەتىلەدى», – دەلىنگەن حابارلامادا.