Aqtóbede ýnıversıtet basshysynyń áıeli talapkerlerden aqsha alǵan

Foto: ©El.kz/Arman MÝHATOV

Aqtóbede ýnıversıt basshysynyń áıeli talapkerlerden oqýǵa túsý úshin aqsha alǵan. Oqýǵa túspek bolǵandardyń oǵan 100 myńnan 1,5 mln teńgege deıin bergeni belgili boldy, dep habarlaıdy Dıapazonǵa silteme jasap El.kz aqparat agenttigi. 

Aqtóbe qalasynda halyqaralyq kólik-gýmanıtarlyq ýnıversıtetiniń ókildigi bar. Bul oqý ornynyń jetekshi mamany alaıaqtyqpen ustaldy. Anyqtalǵandaı, Gúlmıra T. stýdent bolamyn deýshilerden oqý aqysyn alyp, al aqshany óz qalaýynsha jumsaǵan. 47 jastaǵy aıyptalýshynyń qylmystyq isinde 25 epızod bar.

Basylymnyń jazýynsha, sottalýshy talapkerlerge ózin oqý ornynyń ádiskeri retinde tanystyryp, oqý aqysyn óziniń jeke bank shotyna aýdarýǵa nemese qolma-qol berýge bolatynyn aıtqan. Jábirlenýshilerdiń biri oǵan 1,5 mıllıon teńgege jýyq aqsha tólegen. Biraq keıin ol ózin ýnıversıtet stýdentteriniń tizimde joq ekenin bilgen. О́zge de aldanyp qalǵandar dál osyndaı shemamen oǵan 100 myńnan 1,5 mıllıon teńgege deıin aqsha aýdarǵan. Talapkerlerdiń keıbiri birneshe jyldyq oqý aqysyn tólep jatyrmyz dep oılaǵan, alaıda sońynda ol aqshanyń ýnıversıtet shotyna jetpegenin bir-aq bilgen.

Sot otyrysynda alaıaqtyq jasady dep aıyp taǵylǵan áıel óz kinásin moıyndamady. Ol óz sózinde ýnıversıtettiń Aqtóbedegi fılıalyn kúıeýi basqaratynyn, onyń barlyq aýdarymdardan habardar bolǵanyn, al zardap shekkenderden túsken aqsha otbasynyń qajettiligine jumsalǵanyn aıtqan. Bul qarjyny kúıeýi men onyń ata-anasy ózdiginshe jaratqanyn alǵa tartqan.

Aıyptalýshy sottan kishkentaı balalary bar ekenin eskerip, bas bostandyǵynan aıyrmaıtyn jaza taǵaıyndaýdy surady.

Sotta aıyptalýshynyń kúıeýinen de jaýap alyndy. Alaıda ol áıeliniń stýdentterden aqsha alǵanynan beıhabar ekenin jáne onyń qaryzy týraly ýnıversıtettiń bas keńsesinen qońyraý shalǵannan keıin bilgenin atap ótken.

Sot sottalýshyny alaıaqtyq jasaǵany úshin kináli dep tanyp, oǵan aqshany jábirlenýshilerge qaıtarýdy mindettedi jáne 3 jylǵa bas bostandyǵynan aıyrdy.

Is oblystyq sottyń qylmystyq ister jónindegi sot alqasynda qaralyp, sottalýshynyń bas bostandyǵynan aıyrý jazasy probaııalyq baqylaýmen bas bostandyǵyn shekteý jazasyna aýystyryldy. Sot uıǵarymynda is apellıaııalyq tártipte qaralǵan kezde sottalýshynyń ókinip, barlyq jábirlenýshilerge keltirilgen zalaldy óteýine baılanysty jaza jeńildetilgeni atap ótilgen.

Sot qaýlysy zańdy kúshine endi.