جاڭالىقتار
اقتوبەدە جەڭىل جانە جۇك كولىگى سوقتىعىسىپ, ءتورت ادام قازا تاپتى
فوتو: ۆيدەودان الىندى
سامارا-شىمكەنت تاسجولىنىڭ ءاليا اۋىلى ماڭىندا جۇك جانە جەڭىل كولىك سوقتىعىستى, دەپ حابارلايدى Skifnews.kz اقپارات پورتالى.
اپات سالدارىنان وقيعا ورنىندا ءتورت ادام قازا تاپتى.
اقتوبە وبلىستىق پد ءباسپاسوز قىزمەتىنىڭ حابارلاۋىنشا, قايعىلى وقيعاعا بايلانىستى سوتقا دەيىنگى تەرگەپ-تەكسەرۋ باستالدى.
«كەشە ساعات 18:45 شاماسىندا سامارا-شىمكەنت تاسجولىنىڭ قوبدا اۋدانى ءاليا اۋىلى ماڭىندا Mersedes جۇك كولىگى مەن Volkswagen Polo كولىگى سوقتىعىستى. جەڭىل كولىكتەگى ءتورت جولاۋشى وقيعا ورنىندا كوز جۇمدى. جۇرگىزۋشى مەن بالا مەديتسينالىق مەكەمەگە جەتكىزىلدى. قازىر قىلمىستىق كودەكستىڭ 345 بابى 4 بولىگى بويىنشا ءىس قوزعالدى. پوليتسيا دەپارتامەنتى جول قوزعالىسىنىڭ بارلىق قاتىسۋشىسىن جول قوزعالىسى ەرەجەلەرىن قاتاڭ ساقتاۋعا شاقىرادى», – دەدى قوبدا اۋدانى پب باستىعىنىڭ ورىنباسارى اسلان شوتانوۆ.
