جاڭالىقتار
اقتوبەدەگى ساربازدىڭ اناسى بالاسىنىڭ ولىمىنە اسكەردى كىنالاماۋدى سۇرادى
فوتو: اشىق دەرەككوز
اقتوبەدەگى اسكەري بولىمدەردىڭ بىرىندە ءوزىن اتىپ ولتىرگەن ساربازدىڭ اناسى قازاقستاندىقتارعا ۆيدەوۇندەۋ جولداپ, اسكەردەگىلەردى كىنالاماۋدى سۇرادى, دەپ جازادى qandastar.kz
يرينا بوروۆەتستىڭ ايتۋىنشا, ۇلى اسكەردە قىسىم كورمەگەن.
“ول ساۋىردەن باستاپ اسكەري مىندەتىن ورىنداۋعا كەتتى. ونى ەشكىم رەنجىتكەن جوق. تەرگەۋ جۇرگىزىلىپ جاتىر, سول جاقتاعىلار شەشەدى دەپ ويلايمىن”, – دەدى انا.
ول اسكەردە جۇرگەن بالاعا جاعىمسىز جاڭالىقتار ايتىپ, ويىن بولمەۋدى سۇرايدى.
«مەنىڭ ۇلىم جاقسى قىزمەت ەتتى جانە ۇنەمى قوڭىراۋ شالىپ, سونداعى جاعدايلاردى ايتىپ بەرىپ وتىردى. مەنىڭ اسكەرگە شاعىمىم جوق. اتا-انالارعا ايتارىم, بالالارىڭىزدى جامان جايتتاردان قورعاڭىزدار, باسىن جامان جاڭالىقپەن اۋىرتپاڭىزدار, الاڭسىز بورىشىن وتەسىن», – دەدى بوروۆەتس.
سونىمەن قاتار ول ۇلىنىڭ ءوز-وزىنە قول جۇمساۋىنا اسكەر كىنالى دەگەن جالعان قاۋەسەت تاراتپاۋدى ءوتىندى.
