Aqtóbedegi sarbazdyń anasy balasynyń ólimine áskerdi kinálámaýdy surady

Foto: ashyq derekkóz

Aqtóbedegi áskerı bólimderdiń birinde ózin atyp óltirgen sarbazdyń anasy qazaqstandyqtarǵa vıdeoúndeý joldap, áskerdegilerdi kinálamaýdy surady, dep jazady qandastar.kz

Irına Borovetiń aıtýynsha, uly áskerde qysym kórmegen.

“Ol sáýirden bastap áskerı mindetin oryndaýǵa ketti. Ony eshkim renjitken joq. Tergeý júrgizilip jatyr, sol jaqtaǵylar sheshedi dep oılaımyn”, – dedi ana.

Ol áskerde júrgen balaǵa jaǵymsyz jańalyqtar aıtyp, oıyn bólmeýdi suraıdy.

«Meniń ulym jaqsy qyzmet etti jáne únemi qońyraý shalyp, sondaǵy jaǵdaılardy aıtyp berip otyrdy. Meniń áskerge shaǵymym joq. Ata-analarǵa aıtarym, balalaryńyzdy jaman jaıttardan qorǵańyzdar, basyn jaman jańalyqpen aýyrtpańyzdar, alańsyz boryshyn ótesin», – dedi Borove.

Sonymen qatar ol ulynyń óz-ózine qol jumsaýyna ásker kináli degen jalǵan qaýeset taratpaýdy ótindi.